SUNNMØRE RG ÅR 2003

Kjell Mork Soot

Summary: Sunnmøre Ringing Group ringed 32812 birds in the year 2003. At our ringing station at Giske (Makkevika) we spesialized at Rock Pipit Anthus petrosus , and we ringed 1894 individuals of that species. Two Rock Pipits, ringed in Netherlands were controlled, and one from Belgium. At the same station we ringed about 3000 waders. Almost 900 of these were Ringed Plover, Charadrius hiaticula. For the future we will aim at ringing species where a few birds are ringed before or there are few ringing recoveries . Relevant species are i.e. Red-breasted Merganser Mergus serrator, Black Guillemot Cepphus grylle, Bluethroat Luscinia svecica, Icterine Warbler Hippolais icterina, Sylvia -species and of course Ringed Plover and Rock Pipit .

Sunnmøre RG er ei av tre ringmerkingsgrupper i Møre og Romsdal. Dei to andre er Trollheimen RG og Nordmøre & Romsdal RG. Alle er tilknytte OUM (Ornitologiske Undersøkingar, Møre o& Romsdal).

Ringmerkingstala varierer sjølvsagt frå år til år og frå ringmerkar til ringmerkar; siste år med variasjon frå nokre få fugl til om lag 7500. Desse ringmerkarane nytta lisensen sin i 2003: Jostein Fagerhol, Alv Ottar Folkestad, Lars Petter Folkestad*, Petter Folkestad*, Eldar Arne Giske*, Karl Johan Grimstad, Torbjørn Hasund*, Rune L. Holstad, Sigurd Arne Hovde*, Nelly Huserbråten, Vidar Kalland, Vegard Aambø Langvatn, Tore Larsen, Tore Chr. Michaelsen*, Stian Moldskred*, Per Ole Myklebust, Per Steinar Myklebust, Oddvar Olsen*, Stein Inge Refvik, Sveinung Remøy*, Tor-Amund Røsberg*, Bjarte Røyset, Bent Skarshaug, Kjell Mork Soot*, Lill Susanne Stubberud* og Ståle Sætre. * etter namnet: Har også vore med på ringmerkingsarbeidet på Giske OS.

Vi har stadig mykje nytte av Magnar Hovden, som brukar ein god del av fritida si i hekkesesongen til å leite reir, for så å la andre i gruppa ringmerke ungane. Dette ga siste gode ungemerkingstal for m.a. for heipiplerke og trastar

I 2003 var desse fangstplassane i drift i lengre periodar: SUNNMØRE: Giske kommune (to stader): Makkevika (=Giske OS) og Skjongskaret. Ålesund kommune : Kverve. Hareid kommune (tre stader): Grimstadvatnet, Hovden og Plassane. Ørsta kommune (to stader) : Barstadvik og Hovdebygda. NORDFJORD: Eid kommune: Nordfjordeid. Selje kommune: Djupedal. SOGN: Sogndal kommune: Halland.

NOKRE KOMMENTARAR TIL RINGMERKINGANE: Havhest: For tredje året på rad slo hekkinga feil for denne arten. Vi gjorde ingen ting for å få tak i dei få som vaks opp.

Havsvale: Det blei prøvt fangst på fleire nye stader, med brukbart resultat. Det var Oddvar Olsen og Jostein Fagerhol som jobba mest med denne arten. Det blei påvist ein ny hekkeplass dette året, Storholmen i Giske kommune, der 4 – 5 fugl blei høyrt nede i steinurdene der. Elles blei to fuglar, som tidlegare år var ringmerkte som ungar på Erkna , kontrollerte på ringmerkingsstaden. Ein av desse fuglane var blitt 7 år gammal. Ein vindfull haust gjorde ilandstigning på Erkna vanskeleg i ungetida, så det blei ikkje ringmerkt ungar av havsvale dette året.

Siland: Vi har ein ideell fangstplass for siland på Hovden, Hareid, der vi fangar om våren. Sist vår ringmerkte vi 5 individ, mest hannar. I tillegg kontrollerte vi tre fuglar som var ringmerkte der sesongen før. Fangstforholda var ikkje gunstige pga sterke vindar i beste fangstperioden. Ein flott kvinandhann blei fanga samtidig.

Teist: Jostein Fagerhol og Oddvar Olsen vil i åra framover satse litt på teist. Første sesongen deira starta bra, med 45 ungemerkingar. Dei har i år laga til om lag 30 hekkestader / hekkekasser som dei håper vil bli nytta av teisten.

Storjo: Vi skal ikkje skulde på veret, men det blei ringmerkt berre fire ungar .

Låvesvale: Ungemerkinga har vi nesten slutta med etter at EURING sitt låvesvaleprosjekt var ferdig . Hekkeundersøkingar blei ikkje gjort systematisk, men det verkar som det var færre hekkepar enn året før. No fangar vi berre litt ved Grimstadvatnet på overnattingsplass, og det vil vi halde fram med. Det blei berre fanga om lag 400 svaler der siste sommar, og det er mindre enn vanleg, sjølv om fangstinnsatsen var som før.

Tilstandsrapport og hekkesuksess for enkelte artar 2003: Fiskemåsen og vipa har gått tydeleg tilbake dei siste åra utan at vi kan seie kvifor. I enkelte fiskemåsekoloniar er hekkebestanden meir enn halvert. Trastar: hekkebestanden av svarttrast og raudvengtrast har auka svært mykje dei siste åra. Spesielt svarttrast er det meir av enn nokon sinne. Måltrasten ligg omtrent på normalnivå, medan gråtrasten har gått tilbake. Vi lurer på om den svært dårlege hekkesesongen 2001, der få gråtrastungar kom på vengane, har skulda i det. Songarar: Bestanden har teke seg kraftig opp hos gransongaren. 2003 var toppåret hittil hos den arten. Lauvsongaren er også i god framgang etter dei miserable hekkesesongane arten hadde for nokre år sida. Tornsongaren er også på veg opp igjen, medan gulsongaren såg ut til å ha ein dårleg hekkesesong. Svartkvit flugesnappar: Vi hadde venta auka hekkebestand siste sesong etter vellukka hekking i 2002, men hekkebestanden var mindre enn året før. Derimot var hekkesuksessen 100 prosent siste sommar. Meiser: det har aldri før gått så mykje blåmeis til hekking som i 2003, og det var ein suksessrik hekkesesong for den arten. Det gjekk også svært mykje kjøtmeis til hekking, men mange hekkeforsøk var mislukka, og kulla var i mange tilfelle små. Stjertmeisa ser ut til å vere i framgang igjen, etter å ha vore omtrent heilt vekke nokre år.

Fossekall: Merkinga er der trappa ein del ned fordi det gir lite nytt og er svært tidkrevjande. I mange tilfelle må vi ta både to og tre ferjer for å kome fram til revira. Det var få revir med fugl i dette året. Grunnen forstår vi ikkje. Kan ei av årsakene vere den useriøse filmen om fossekall som uheldigvis er vist på NRK minst fire gongar ? Har denne filmen fått laksefiskarar til å gå berserk og røve reir og skyte fossekall ? På Sunnmøre blei påvisleg mange reir røva, og vaksne fuglar forsvann i hekketida. Noko liknande har i alle fall ikkje hendt før i dei over 30 åra vi har hatt fossekallen under oppsikt.

Sidensvans: I januar og februar blei om lag 100 individ ringmerkte på forskjellige stader. Arten dukka opp igjen i mindre mengder i slutten av oktober, og var i området til ut november. Det blei i 2003 totalt ringmerkt 469 individ, mest på Hareid og Valderøy .

Blåstrupe: Det viser seg at det er ein del hekkande blåstrupe i dei indre delane av Sunnmøre og Nordfjord (m.a. Stordal, Norddal og Hornindal kommunar). Vi gjorde litt undersøkingar sist sommar, og reknar med å arbeide meir med arten dei neste sesongane.

Gulsongar, Sylvia-artar m.m: Vi fanga ein del gulsongar, munk, og andre artar i revira ved hjelp av lyd. Vi fekk så pass positive erfaringar av dette at vi vil halde fram dei påfølgjande sesongane. Metoden er litt tidkrevjande og merketala pr. dag er ikkje store. Spesielt for artar med lite gjenfunnsmateriale kan dette vere ein måte å få opp merketala på.

Kråke: Det store talet på overvintrande kråker her har ført til litt spekulasjon om kvar desse kjem frå. Kråkefellene i Barstadvik i Ørsta kommune (Sigurd Arne Hovde) og i Hovden, Hareid (Stian Moldskred), ga ein fangst på om lag 400 kråker, 31 ramn og 12 hønsehauk. Det er reelle planar om å setje opp ei kråkefelle på Giske også, der det er store mengder med vinterkråker. Vi har fått første fjernfunnet i dette prosjektet; ei kråke ringmerkt her vinterstid, blei funnen i mai i Västerbotten i Sverige.

Giske Ornitologiske Stasjon: Petter Folkestad, Lars Petter Folkestad og Eldar Arne Giske har lagt ned ein stor innsats i merkingsarbeidet der ute, men mange andre har også bidratt med sitt. Nesten halve gjengen i ringmerkingsgruppa har vore med på ringmerkingsarbeid der i 2003. Sist vinter blei det også skylt opp mykje tare. Dette ga gode beitetilhøve for vadarar og skjerpiplerke. Frå august av var der bra med småvadarar. Vi satsa som vanleg spesielt på sandlo, og nærmare 900 blei merkte. Dette er nest beste årsresultatet vi nokon sinne har hatt for den arten. Myrsnipe prøvde vi å fange minst mogeleg av (1207 ringmerkt). I staden satsa vi på å få fanga inn vadarartar som det er lite gjenfunnsmateriale på, og er fornøgde med f.eks. 14 tundralo, 20 lappspove, 98 raudstilk, 19 fjøreplytt, 173 brushane, 62 steinvendar og 50 enkeltbekkasin. Skjerpiplerkefangsten ved hjelp av ruser og lyd heldt vi fram med på stasjonen. Til saman ringmerkte vi 1891 skjerpiplerker der. Ein stor del av beste fangstsesongen om våren blei spolert fordi han som hadde planlagt å jobbe der mest, blei skada og måtte melde pass. Under ein lang periode under vårtrekket hadde vi ikkje folk til å setje inn, unntatt i helgane, og 500 blei ringmerkt i vårsesongen. To nederlandske og ein belgiskmerkt fugl blei kontrollerte då. I beste perioden om hausten var veret så dårleg (kraftig vind og regn) at sjølv rusefangsten fungerte nesten ikkje. Gjenfunn vi fekk innmeldt i løpet av året var to frå Nederland, ein frå Belgia og ein frå England. Det blei prøvt same fangstmetode på fleire andre stader på Ytre Sunnmøre, men det var ikkje vellukka. Revirhevdande hannar var ofte eit problem. Dei jaga bort andre fuglar både vår og haust på dei stadene vi prøvde. Som bifangst til skjerpiplerkene fekk vi m.a. ein del heipiplerker (over 300).

Fangst i Nord-Atlanterhavet: Vi har fått ein ny og dyktig ringmerkar, Eldar Arne Giske, som arbeider på linebåten ”Nyvoll Senior”. Når han er heime, gjer han ein god innsats på Giske OS. Når han er på fiske i området Shetland /Færøyane/ Bjørnøya/ Barentshavet, fangar han ein god del fugl når han har frivakt . I 2003 blei dette resultatet: Havhest 770, havsule 38, storjo 11, hettemåse 1, sildemåse 1, gråmåse 12, polarmåse 103, svartbak 3, krykkje 139. Han kontrollerte to havhest ringmerkte i Skottland og to frå Færøyane. Dessutan blei 3 britiskmerkte storjo kontrollerte og tre britiskmerkte blei dessverre tatt på line. Ei norskmerkt krykkje blei kontrollert.

Merkingar av meir sjeldne merkeartar: Ein steppehauk hamna i nettet 02.mai ved Grimstadvatnet, Hareid. Det er første merking av den arten i Noreg og første funn i Møre og Romsdal. Ein islandsraudvengtrost, Turdus iliacus coburni, blei ringmerkt ved Grimstadvatnet.Denne rasen er tidlegare påvist her fleire gongar. Eit kull på seks svartstrupeungar blei ringmerkt på Stadt. I Hovden, Hareid blei det ringmerkt ei haukugle, ein rørsongar og ein rosenfink. Elles blei myrsongar (4) ringmerkt av gruppa. To sibirgransongar, Phylloscopus collybita tristis, blei fanga i oktober på Hareid, ved Grimstadvatnet og Plassane. Vi rundar av med ein hortulan i Barstadvik, Ørsta, ein dvergsporv ved Grimstadvatnet, Hareid og totalt fire kjernebitar , 3 på Nordfjordeid og 1 i Barstadvik.

Kontrollar / gjenfunn, for det meste frå utlandet: Vi mottok ca. 150 rapportar av våre ringmerkte fuglar, av desse var 89 frå utlandet. I tillegg kontrollerte vi om lag 90 framandmerkte fuglar, der nesten halvparten var norskmerkte havsvaler. 31 fuglar hadde ringar frå utanlandske sentralar. Av plassomsyn blir dei fleste meir lokale funna ikkje nemnde her. Havsvale : To britiskmerkte og ei portugisisk blei kontrollerte. Utanom mange kontrollar av framande norske, blei også mange av våre fuglar kontrollerte langs store delar norskekysten. I tillegg blei ein av fuglane våre kontrollert på Færøyane, ein i Irland, 19 i Skottland og tre i England.. Fjellvåk: Ein snart 15 år gammal fugl blei funnen i Tyskland. Det er eldste norskmerkte fjellvåk hittil. Sandlo: Under ein sterk storm kolliderte ei av våre ringmerkte sandloer mot ein kokospalme i Sierra Leone og blei drepen. Ein annan fugl blei kontrollert av franske ringmerkarar i Senegal, og ein som overvintra i Skottland, blei kontrollert av ringmerkarar der. Myrsnipe: ti funn frå utlandet: Sverige (1), Frankrike (2), England (3), Wales (3) og Irland (1). Brushane: 2 ind rapporterte frå Frankrike Det er vel ingen overraskelse at dei blei skotne begge to.. Raudstilk: Nesten to månader etter merking i Makkevika, blei fuglen skoten i Spania. Steinvendar: teleskopavlesningar av ein fugl frå England, ein frå Skottland og ein i Frankrike. Fiskemåse: ein teleskopavlesing i Skottland. Gråmåse : to teleskopavlesingar frå Tyskland. Svartbak: Eitt funn i Frankrike og eitt i England.Krykkje: Eitt individ blei funne død i Nederland. Lomvi: eitt individ frå Skottland blei funne drukna i fiskegarn. Sandsvale: For andre år på rad blei ei skotskmerkt sandsvale kontrollert på hekkeplass. Skjerpiplerke: Sjå under Giske OS (over). Sidensvans: Ein britiskmerkt og ein finskmerkt kontrollert ved Grimstadvatnet, Hareid. Av våre merkingar blei to funne i Sverige og ein i Finland. Fossekall: Vi kontrollerte ein med svensk ring. Fuglen var kontrollert på same stad også året før. Ein fugl som blei ringmerkt som overvintrande i Rogaland, blei kontrollert på hekkeplass. Jernsporv og raudstrupe: Eitt individ av kvar art funne død i Tyskland. Svarttrast: To individ, begge ringmerkte på Fair Isle, Skottland, blei kontrollert .Måltrost: eitt individ skote i Portugal. Raudvengtrast: eitt ind funne død i Belgia, og ein skotskmerkt blei kontrollert. Munk: Ein fugl blei tatt av katt i Sandefjord, Vestfold. Ein annan funnen død i Tyskland. Ein belgiskmerkt kontrollert 07.10 på Nordfjordeid. Lauvsongar: eitt ind kontrollert av sveitsiske ringmerkarar i Mauretania 11.09. Eitt ind kontr. på vårtrekk (17.04) i Italia. Eit tredje individ blei kontrollert på hausttrekk i Belgia. Svartkvit flugesnappar: 1 ind funne i Portugal om våren. Stare: ein pullmerkt stare frå Tromsø-distriktet kontrollert på vårtrekk i Makkevika 28.03, dessutan blei ein pullmerkt frå Hareid funnen død i England. Kråke: ein vintermerkt fugl funnen død i Nord- Sverige i mai.Bokfink: Ein skotskmerkt fugl kontr. 30.03. medan ein av ”våre” fuglar blei kontrollert i Nederland. Bjørkefink med svensk ring blei kontrollert 03.04, ein med britisk ring 15.09, og ein fugl frå Bodøkanten blei kontrollert i desember. Grønfink: I tillegg til mange kontrollar i Noreg, fekk vi gjenfunn frå Danmark (1), Nederland (2), og England (1). Av utanlandsmerkte fekk vi ein fugl med svensk ring og to danske. Grønsisik: Vi kontrollerte fuglar merkte i Belgia (3), Nederland (1), England (1), Skottland (1) og Italia (2).Vi fekk gjenfunn frå Sverige(1), Danmark(2), Belgia (2) og England (2) . Gråsisik: kontrollar frå Finland (2) , Sverige, Tyskland og innanlands i Ringebu , Oppland. Ein Rogalandsmerkt blei kontrollert. Brunsisik: Ein kontrollert i Nederland. Gulsporv: Ein fugl frå Rogaland blei kontrollert 27.03. Sivsporv: ein kontroll frå kvart av landa Nederland (okt), Frankrike (okt) og Spania (januar).

Takk: Mange av merkarane har ikkje tilgang til datautstyr og dermed RING- programmet. Vi legg alle merkingane inn på data, og det trengs hjelp til dette. Stor takk til Stian Moldskred og Stein Inge Refvik som har datalagt tusenvis av fugl.

Sunnmøre RG har ei internettside der Stian Moldskred er redaktør ,og Hans Petter Farstad vil vere ansvarleg for webdesign. Heimesida vår finn du på www.fugler.com/srg

Art	Tidlegare ringm.	Pull 2003	Fg. 2003	Giske OS	Tils. 2003	Totalt
Havhest Fulmarus glacialis	4250	-	770	-	770	5020
Havsvale Hydrobates pelagicus	5545	-	350	5	355	5900
Stormsvale Oceandr. leucorhoa	36	-	1	-	1	37
Havsule Sula bassana	84	-	38	-	38	122
Toppskarv Phalacr. aristotelis	15490	348	4	-	352	15842(10)
Krikkand Anas crecca	56	-	-	1	1	57
Kvinand Bucephala clangula	10	-	1	-	1	11
Siland Mergus serrator	70	-	5	-	5	75
Havørn Haliaeetus albicilla	516	50	-	-	50	566
*Steppehauk Circus macrourus	-	-	1	-	1	1
Hønsehauk Accipiter gentilis	368	4	12	-	16	384
Sporvehauk Accipiter nisus	198	-	5	-	5	203
Kongeørn Aquila chrysaetos	13	-	1	-	1	14
Dvergfalk F. columbarius	94	-	1	4	5	99
Vandrefalk Falco peregrinus	12	-	1	-	1	13
Tjeld Haematopus ostralegus	1763	14	-	3	17	1780
Sandlo Charadrius hiaticula	6887	-	-	887	887	7774
Boltit Charadrius morinellus	4	4	-	-	4	8
Heilo Pluvialis apricaria	272	-	-	16	16	288
Tundralo Pluvialis squatarola	160	-	-	14	14	174
Vipe Vanellus vanellus	719	13	-	-	13	732
Polarsnipe Calidris canutus	405	-	-	38	38	443
Sandløpar Caldris alba	197	-	-	16	16	213
Dvergsnipe Calidris minuta	4787	-	-	55	55	4842
Temmincksnipe C. temminckii	20	-	-	1	1	21
Tundrasnipe Calidris ferruginea	1008	-	-	1	1	1009
Fjøreplytt Calidris maritima	41	-	-	19	19	60
Myrsnipe Calidris alpina	22468	-	-	1205	1205	23673 (5)
Fjellmyrløpar Limico. falcinellus	4	-	-	1	1	5
Brushane Philomachus pugnax	1757	-	-	173	173	1930
Kvartbekkasin Lymno. minimus	407	-	3	5	8	415
Enkeltbekkasin Gall. gallinago	962	8	5	50	63	1025
Rugde Scolopax rusticola	51	5	-	-	5	56
Art	Tidlegare ringm.	Pull 2003	Fg. 2003	Giske OS	Tils. 2003	Totalt
Lappspove Limosa lapponica	311	-	-	20	20	331
Storspove Numenius arquata	371	17	-	-	17	388
Raudstilk Tringa totanus	661	-	-	98	98	759
Gluttsnipe Tringa nebularia	12	-	-	1	1	13
Strandsnipe Actitis hypoleucos	620	9	2	6	17	637
Steinvendar Arenaria interpres	348	-	-	62	62	410
Storjo Stercorarius skua	221	4	11	-	15	236
Hettemåse Larus ridibundus	585	1	1	-	2	587
Fiskemåse Larus canus	10373	44	45	1	90	10463
Sildemåse Larus fuscus	615	33	2	-	35	650
Gråmåse Larus argentatus	6789	13	32	-	45	6834
*Polarmåse Larus hyperboreus	-	-	103	-	103	103
Svartbak Larus marinus	5932	8	8	-	16	5948
Krykkje Rissa tridactyla	28803	-	139	-	139	28942 (4)
Makrellterne Sterna hirundo	1444	-	-	1	1	1445
Lomvi Uria aalge	2970	1	-	-	1	2971
Alke Alca torda	344	2	-	-	2	346
Teist Cepphus grylle	1377	45	-	-	45	1422
Tyrkerdue Streptopelia decaocto	5	-	-	1	1	6
Haukugle Surnia ulula	18	-	1	-	1	19
Kattugle Strix aluco	1626	22	2	-	24	1650
Tårnseglar Apus apus	28	2	1	-	3	31
Flaggspett Dendrocopus major	141	-	5	-	5	146
Dvergspett D. minor	36	-	1	-	1	37
Sandsvale Riparia riparia	1559	5	145	-	150	1709
Låvesvale Hirundo rustica	17605	20	404	30	454	18059 (8)
Taksvale Delichon urbica	597	-	-	1	1	598
Trepiplerke Anthus trivialis	557	-	9	-	9	566
Heipiplerke Anthus pratensis	14639	77	1301	387	1765	16404 (9)
Skjærpiplerke Anthus petrosus	2914	-	3	1891	1894	4808
Gulerle Motacilla flava	27	-	-	1	1	28
Linerle Motacilla alba	4108	12	57	36	105	4213
Sidensvans Bombycilla garrulus	1448	-	469	-	469	1917
Fossekall Cinclus cinclus	6999	15	4	-	19	7018
Art	Tidlegare ringm.	Pull 2003	Fg. 2003	Giske OS	Tils. 2003	Totalt
Gjerdesmett Troglo. troglodytes	4202	6	173	1	180	4382
Jernsporv Prunella modularis	7907	26	374	-	400	8307
Raudstrupe Erithacus rubecula	10128	-	466	2	468	10596
Blåstrupe Luscinia svecica	292	38	118	-	156	448
Raudstjert Phoen. phoenicurus	406	7	2	-	9	415
Buskskvett Saxicola rubetra	1746	14	28	2	44	1790
Svartstrupe Saxicola torquata	23	6	-	-	6	29
Steinskvett Oenanthe oenanthe	425	7	1	17	25	450
Ringtrast Turdus torquatos	240	-	1	-	1	241
Svarttrast Turdus merula	5765	44	422	3	469	6234
Gråtrast Turdus pilaris	6015	18	351	-	369	6384
Måltrast Turdus philomelos	2721	44	80	-	124	2845
Raudvengtrast Turdus iliacus	17473	87	750	-	837	18310 (7)
Sivsongar Acroc. schoenobaenus	434	-	29	1	30	464
Myrsongar Acroceph. palustris	7	-	4	-	4	11
Rørsongar Acrocep. scirpaceus	17	-	1	-	1	18
Gulsongar Hippolais icterina	398	-	46	-	46	444
Møller Sylvia curruca	95	-	1	-	1	96
Tornsongar Sylvia communis	831	6	48	1	55	886
Hagesongar Sylvia borin	635	4	20	1	25	660
Munk Sylvia atricapilla	4266	-	611	-	611	4877
Gransongar Phyllosc. collybita	2716	-	370	1	371	3087
Lauvsongar Phyllosc. trochilus	41060	-	2265	5	2270	43330 (2)
Fuglekonge Regulus regulus	5107	-	485	-	485	5592
Gråflugesnappar Musc. striata	850	26	29	-	55	905
Svartkvit flugesn. F. hypoleuca	10003	294	56	-	350	10353
Stjertmeis Aegithalos caudatus	2465	11	80	-	91	2556
Lauvmeis Parus palustris	1692	22	53	-	75	1767
Granmeis Parus montanus	4024	6	180	1	187	4211
Toppmeis Parus cristatus	61	-	4	-	4	65
Svartmeis Parus ater	1055	10	24	-	34	1089
Blåmeis Parus caeruleus	7335	225	562	20	807	8142
Kjøtmeis Parus major	20149	724	942	18	1684	21833 (6)
Spettmeis Sitta europaea	1265	44	15	-	59	1324
Trekrypar Certhia familiaris	565	-	42	-	42	607
Art	Tidlegare ringm.	Pull 2003	Fg. 2003	Giske OS	Tils. 2003	Totalt
Varslar Lanius excubitor	10	-	1	-	1	11
Nøtteskrike Garrulus glandarius	48	-	1	-	1	49
Skjor Pica pica	366	-	3	-	3	369
Kråke Corvus corone cornix	646	4	397	6	407	1053
Ramn Corvus carax	1283	4	31	-	35	1318
Stare Sturnus vulgaris	8913	62	112	338	512	9425
Gråsporv Passer domesticus	5189	-	251	2	253	5442
Pilfink Passer montanus	44	-	1	-	1	45
Bokfink Fringilla coelebs	6593	2	1216	3	1221	7814
Bjørkefink Fring. montifringilla	9478	-	930	145	1075	10553
Grønfink Carduelis chloris	35573	7	3367	165	3539	39112 (3)
Grønsisik Carduelis spinus	10534	-	1274	-	1274	11808
Tornirisk Carduelis cannabina	29	-	2	-	2	31
Bergirisk Carduelis flavirostris	4805	-	3	40	43	4848
Gråsisik Caruelis flammea	57258	35	3814	-	3849	61107 (1)
Brunsisik Carduelis cabaret	842	-	171	-	171	1013
Rosenfink Carpodac. erythrinus	11	-	1	-	1	12
Dompap Pyrrhula pyrrhula	3751	-	116	1	117	3868
Kjernebiter Coc. coccothraustes	9	-	4	-	4	13
Gulsporv Emberiza citrinella	448	-	13	-	13	461
Hortulan Emberiza hortulana	2	-	1	-	1	3
Dvergsporv Emberiza pusilla	7	-	1	-	1	8
Sivsporv Emberiza schoeniclus	4098	12	149	3	164	4262
Totalt (221 artar,125 artar i 2003):	505467	2571	24435	5806	32812	538279

Tidlegare ringmerkt : Dvergdukkar Tachybaptus ruficollis 1, horndukkar Podiceps auritus 1, havlire Puffinus puffinus 1, storskarv Phalacrocorax carbo 3, gråhegre Ardea cinerea 2535, krabbehegre Butorides striatus 1, knoppsvane Cygnus olor 3, songsvane Cygnus cygnus 30, kortnebbgås Anser brachyrhynchus 2, tundragås A. albifrons 1, grågås A. anser 14, gravand Tadorna tadorna 19, stokkand Anas platyrhynchos 114, brunnakke Anas penelope 10, bergand A. marila 1, toppand Aythya fuligula 2, havelle Clangula hyemalis 2, ærfugl Somateria mollissima 44, fjellvåk Buteo lagopus 165, musvåk Buteo buteo 2, fiskeørn Pandion haliaetus 1, jaktfalk Falco rusticolus  4, tårnfalk Falco tinnuculus 16, lerkefalk Falco subbuteo 1, lirype Lagopus lagopus 1, storfugl Tetrao urogallus 14, orrfugl Tetrao tetrix 3, vaktel Coturnix coturnix 1, fasan Phsanius colchicus 42, vassrikse Rallus aquaticus 8, myrrikse Porzana porzana 2, åkerrikse Crex crex 10, sothøne Fulica atra 1, sivhøne Gallinula chloropus 9, trane Grus grus 1, dverglo Charadrius dubius 1, alaskasnipe C. melanotos 2, rustsnipe Tryngites subruficollis 1, svarthalespove Limosa limosa 12, småspove Numenius phaeopus 55, dobbeltbekkasin Gallinago media 4, sotsnipe Tringa erythropus 9, skogsnipe T. ochropus 5, grønstilk Tringa glareola 13, tjuvjo Stercorarius parasiticus 63, svømmesnipe Phalaropus lobatus 21, raudnebbterne Sterna paradisaea 2490, terner- S. hirundo/paradisea 4, alkekonge Alle alle 10, lunde Fratercula arctica 2921, ringdue Columba palumbus 34, bydue Columba livia var. domesticus 46, gauk Cuculus canorus 27, skjæregjøk Clamator glandarius 1, hubro Bubo bubo 2, snøugle Nyctea scandiaca 1, sporveugle Glaucidium passerinum 7,hornugle Asio otus 24, jordugle Asio flammeus 19, perleugle Aegolius funereus 55, vendehals Jynx torquilla 143, gråspett Picus canus 19, grønspett Picus viridis 8, kvitryggspett Dendrocopos leucotos 35, songlerke Alauda arvensis 160, dverglerke Calandrella brachydactyla 1, fjellerke Eremophila alpestris 2, hybrid H. Rustica x D. urbica 2, tartarpiplerke Anthus novaeseelandiae 1, lappiplerke Anthus cervinus 4, vintererle Motacilla cinerea 2, nattergal Luscinia luscinia 1, taigatrost Turdus ruficollis 1, grashoppesongar Loc. naevia 8, elvesongar Locustella fluviatilis 2, starrsongar L. Certhiola 1, busksongar Acrocephalus dumetorum 1, hauksongar Sylvia nisoria 36, gulbrynsongar P. inornatus 40, bøksongar Phyll. sibilatrix 5, fuglekongesongar Phylloscopus proregulus 1, viersongar P.schwarzi 1, dvergflugesnappar Muscicapa parva 1, lappmeis Parus cinctus 15, raudhalevarslar Lanius isabellinus 1, tornskate Lanius collurio 7, nøttekråke Nucifraga caryocatactes 4, kaie Corvus monedula 3, kornkråke C. frugilegus 1, stillits Carduelis carduelis 2, polarsisik Carduelis hornemanni 556, bandkorsnebb Loxia leucoptera 8, grankorsnebb L. curvirostra 106, furukorsnebb L. pytyopsittacus 8, konglebit Pinicola enucleator 3, lappsporv Calcarius lapponicus 21, snøsporv Plectrophenax nivalis 89, sibirsporv Emberiza aureola 1.

Sunnmøre RG,

 

Kjell Mork Soot, 6060 Hareid Tlf 70092443 (pr) Tlf 70095750 (arb) Telefax 70095751 (arb) Mob: 91308487

E-post: kjellmorksoot@fugler.com