SUNNMØRE RG ÅR 2004Kjell Mork SootSunnmøre RG er den eine av tre ringmerkingsgrupper i Møre & Romsdal, som alle er tilknytte OUM (Ornitologiske Undersøkingar, Møre & Romsdal). Dei to andre er Trollheimen RG og Nordmøre & Romsdal RG. Desse ringmerkarane nytta lisensen sin i 2000: Johnny Bakken, Jostein Fagerhol, Alv Ottar Folkestad, Lars Petter Folkestad, Petter Folkestad, Karl Johan Grimstad, Torbjørn Hasund, Rune L. Holstad, Veronica Hovden, Sigurd Arne Hovde, Nelly Huserbråten, Vegard Aambø Langvatn, Tore Chr. Michaelsen, Stian Moldskred, Per Ole Myklebust, Per Steinar Myklebust, Oddvar Olsen, Stein Inge Refvik, Tor-Amund Røsberg, Bjarte Røyset, Bent Skarshaug, Kjell Mork Soot og Ståle Sætre. Gode medhjelparar var Magnar Hovden og Sveinung Remøy. I 2000 var desse fangstplassane i drift i lengre periodar: SUNNMØRE: Giske kommune (to stader): Makkevika(= Giske OS) og Skjongskaret. Hareid kommune (to stader): Grimstadvatnet og Hovden. Ørsta kommune (to stader): Barstadvik og Hovdebygda. Volda kommune (to stader): Lauvstad og Hjartåbygda. NORDFJORD: Eid kommune: Nordfjordeid. Selje kommune: Djupedal. NOKRE KOMMENTARAR TIL RINGMERKINGANE: Havhest:Vi hadde tenkt å satse på merking av havhestungar på Runde sesongen 2000. Men berre ein unge blei ringmerkt. Kanskje var det einaste ungen som vaks opp på Runde den sesongen? Noko svar på den elendige hekkesesongen har vi ikkje. Vaksnefuglane forsvann i frå hekkeområda i månadsskiftet juli/august. Havsvale: Det blei arbeidd ein del med denne arten sesongen 2000. I periodar var det uvanleg mykje fugl. Dei fleste fuglane blei fanga på Kråkenes i Vågsøy kommune og Ervik i Selje kommune, begge lokalitetane ligg i Nordfjord. På Sunnmøre blei det fanga litt på Flø i Ulstein og på Alnes og Synnes i Giske kommune Eit einsleg individ blei fanga i Barstadvik i Ørsta. Totalt blei 556 havsvaler og 4 stormsvaler ringmerkte. Havørn: Om lag 110 revir blei kontrollerte. Elendig ver gjorde merking vanskeleg, men likevel blei 44 ungar ringmerkte. Hadde veret vore bra, kunne sikkert 20 til blitt ringmerkte. 0,67 ungar pr. hekkepar viser at det var eit godt hekkeår (Alv Ottar Folkestad medd.) Storjo: Også denne arten hadde god hekking med 0,67 ungar pr. hekkepar. 21 ungar blei ringmerkte. Håplaust ver i lang tid gjorde ein god del ungar ikkje blei ringmerkte. Klippedua: har vore rekna som utdøydd i Noreg i over100 år. Nyleg er ho gjenoppdaga i Ervik, Selje kommune, av Stein Inge Refvik. Rundt 10 par hekkar i ei vanskeleg tilgjengeleg hole der. Vi lukkast ikkje å få ringmerkt noko av arten i år 2000, men reknar med å gjere betre arbeid i år. Men verforholda må vere noko lunde bra skal vi lukkast med arbeidet. Stadt er trass i alt nærmaste nabo. Låvesvale: Gruppa legg ned mykje arbeid med den arten. Vi prøver kvart år å få totaloversikt over hekkebestanden i kommunane Hareid, Ulstein og Volda . I tillegg blir det i større eller mindre grad ringmerkt i mange andre kommunar på Sunnmøre og i Nordfjord. Sidan undersøkinga starta i 1995 var det fleire fuglar som gjekk til hekking i år 2000 enn tidlegare, så det teikna til å bli ein svært bra hekkesesong. Men tre periodar med regn, vind og kaldt ver gjorde hekkesesongen temmeleg mislukka. Hundrevis av ungar rett og slett svalt i hel. Også ungar som var utflogne leid påviseleg same skjebne. På den store overnattingsplassen ved Ratvikvatnet, Ålesund overnatta det mindre enn vanleg med låvesvaler , sikkert pga den dårlege hekkesesongen. Berre 500 låvesvaler blei fanga og ringmerkte der. Kanskje 3000-4000 låvesvaler overnatta der på det meste. Fangsten starta ikkje før enn i førstninga av september, mest pga at veret var så håplaust at fangst ikkje forsvarleg. Ved Grimstadvatnet på Hareid var der nesten ikkje svaler å sjå, og berre 80 blei fanga. Fossekall: Denne arten blei det arbeidd lite med i sesongen 2000.Hovudgrunnen til det er nok at det treårige fossekallprosjektet til NOF er ferdig. Men enorme smelteelvar denne våren pga store snømengder i fjellet gjorde arbeidet mange plassar svært vanskeleg, til dels farleg. Mange reir blei skylde vekk av elvane. Berre 113 ungar og tre vaksne blei ringmerkte. Vi såg spesielt etter utanlandsmerkte fuglar, men slike blei ikkje sett. Eit interessant funn av ein fossekall ringmerkt som unge i Sykkylven i 1999: Neste vår (mai) vart fuglen fanga som hekkande hann ved reir i Blekinge i Sverige, over 800 km unna. Så særleg stadtru ser ikkje nasjonalfuglen vår ut til å vere i enkelte tilfelle. Insektetande småfuglar som songarar, svartkvit flugesnappar, meiser m.m: Mange av dei insektetande artane har gått kraftig tilbake på Sunnmøre dei siste sesongane pga. kaldt ver, vind og mykje nedbør i ungeperioden. Med eitt unntak(1997) har det vore elendige hekkesesongar kvart år. Svartkvit flugesnappar hadde i 2000 ein dårleg hekkesesong igjen sjølv om overraskande mange par gjekk til hekking. Problema melde seg omtrent i den perioden då ungane begynte å flyge ut og like etter. Eit svært dårleg ver tok nok livet av storparten av årsproduksjonen. Med blåmeis og kjøtmeis hende det same. Same problema fekk nok dei andre artane som også hovudsakleg lever av insekt. Enkelte opplysningar kan tyde på at nokre stader ikkje var fullt så ille, spesielt gjeld dette indre strok. Dei fire vanlege trosteartane hadde i 2000 ein svært god hekkesesong. Det uvanleg fine haustveret gjorde at ein god del raudvengtrost blei her til langt ut i desember og ca. 2300 blei fanga i Hovden, Hareid, der vi satsa på den arten. Også stjertmeisa aukar på igjen, etter at arten var heilt borte for nokre år sidan. Og gjerdesmetten har god vist framgang etter dei siste milde vintrane. Giske Ornitologiske Stasjon: Dette var ein svært dårleg sesong med tanke på vadarfangst. Tilsaman 520 fuglar, mest sporvefuglar, blei ringmerkte i Makkevika sesongen 2000. Berre 205 småvadarar blei ringmerkte: 54 sandlo, 1 tundralo, 27 dvergsnipe, 13 tundrasnipe, 5 fjæreplytt, 84 myrsnipe, 10 brushane, 2 kvartbekkasin, 1 lappspove, 6 raudstilk og 2 steinvendar. Når vi nemner 1 vassrikse og 2 dvergfalk, i tillegg til vadarane, er det ikkje noko særleg meir å fortelje frå Giske. Vi reknar med i år å kome godt i gang med byggjing av ny fangsthytte, for vi har fått 50 000 kroner frå Fylkeskommunen som tilskot til ny hytte. Andøya flystasjon: Johnny Bakken arbeider framleis på Andøy flystasjon i Nordland. På stasjonsområdet hekkar ein del vadarartar som vi søringar ikkje er så vane med og som Johnny satsar på å få ringmerkt ungar av: Siste sesongen var ganske vellukka . 12 sandlo, 7 heilo, 1 brushane, 13 småspove, 12 storspove, 5 raudstilk , mange vipe og tjeld osv. er slett ikkje å forakte.
UTANLANDSMERKTE FUGLAR: Andøy, Nordland: Den britiskmerkte tjelden var framleis på plass i 2000. Sunnmøre: 11 britiskmerkte havsvaler blei kontrollerte. Dessutan hadde ei svensk ring. Fem britiskmerkte tjeld blei avlesne med teleskop, fire av desse på Runde. To danskmerkte låvesvaler(frå Husby Sø, Jylland), vart kontrollerte som hekkefuglar i henholdsvis Skodje og Selje kommunar. Dessutan blei ei låvesvale med ring frå overnattingsplass på Orknøyane, Skottland (hausten 1999) kontrollert på overnattingsplassen i Ratvikvatnet, Ålesund. Ein raudvengtrost med belgisk ring , ringmerkt 14.10.1999, blei kontrollert i Hovden, Hareid 05.desember 2000. Ein sivsongar , ringmerkt i Nederland 24.april 2000, blei 15 dagar etter kontrollert ved Grimstadvatnet, Hareid. Ein grønsisik som blei ringmerkt 04.mars 2000 i Devon, England, blei påkøyrd av bil i Skodje 07.mai. Og til slutt fekk vi endeleg svar frå Frankrike om ein sivsporv som var kontrollert i Ørsta i juli 1994. Fuglen var ringmerkt 28.11.1992. Ringmerkte fuglar av Sunnmøre RG 2000:
|
