SUNNMØRE RG ÅR 1999Kjell Mork SootSUMMARY: Sunnmøre RG consisted of 23 active ringers in 1999. Our group runs the ornithological station, Giske OS (the locality is named Makkevika), where we ring waders in autumn; most og these are caught by mist nets at night. This year there were more waders than the four earlier seasons. 878 waders of 14 species were ringed at the station. In addition we ringed 2000 birds of other species there, mostly passerines. The group tries to specialize in Storm Petrel Hydrobates pelagicus, but this season failes in catching adult birds (only 87 adults + 2 pullus). We also tries to specialize in Dipper Cinclus cinclus, and 624 individuals, mostly neslings were ringed. We are participants in the Swallow project Hirundo rustica; there is a distinct decrease compared with the 1970's. We ringed 1051 pullus and 1378 adults. Rare ringing species were Buff-breasted Sandpiper Tryngites subruficollis, Yellow-browed Warbler Phylloscopus inornatus, Barred Warbler Sylvia nisoria (3 individuals) and Two-barred Crossbill Loxia leucoptera (2 individuals). We controlled three Storm Petrels with british rings. A Finnish Dunlin Calidris alpina was controlled late in August. It was ringed as pullus in northern Finland in the beginning of July. Two Swallows with Danish rings were controlled breeding, and four Dippers had Swedish rings. A redpoll Carduelis flammea had also Swedish ring. Sunnmøre RG er den eine av tre ringmerkingsgrupper i Møre & Romsdal, som alle er tilknytte OUM (Ornitologiske Undersøkingar, Møre & Romsdal). Dei to andre er Trollheimen RG og Nordmøre & Romsdal RG. Desse ringmerkarane nytta lisensen sin i1999: Johnny Bakken, Jostein Fagerhol, Alv Ottar Folkestad, Lars Petter Folkestad, Petter Folkestad(15), Karl Johan Grimstad, Torbjørn Hasund, Rune L. Holstad, Veronica Hovden, Sigurd Arne Hovde, Nelly Huserbråten, Vidar Kalland, Vegard Aambø Langvatn, Tore Larsen, Tore Chr. Michaelsen(45), Roy Henning Molnes, Per Ole Myklebust, Per Steinar Myklebust, Oddvar Olsen, Olav Overvoll, Tor-Amund Røsberg(3), Bjarte Røyset, Kjell Erik Solheim(25),Kjell Mork Soot og Ståle Sætre. Tala etter namnet viser antal fangstdøgn på Giske OS. To nye merkarar var til god hjelp og får lisens år 2000, Stian Moldskred(8), og Stein Inge Refvik(7). I 1999 var desse fangstplassane i drift i lengre periodar: Giske kommune (to stader): Makkevika(= Giske OS) og Skjongskaret på Valderøy. Hareid kommune (to stader): Grimstadvatnet og Hovden. Volda kommune: Lauvstad. Eid kommune, Sogn og Fjordane: Nordfjordeid. NOKRE KOMMENTARAR TIL RINGMERKINGANE: Havsvale: Det blei ikkje arbeidd så mykje med denne arten sesongen 1999. Dei fleste fuglane blei fanga på Kråkenes og Klovningen i Vågsøy kommune og Ervik i Selje kommune. To ungar blei ringmerkt på Erkna i Giske kommune sesongen 1999. Ved merkinga 18. september vog dei henholdsvis 34,5 og 46 gram. Giske Ornitologiske Stasjon: Det var den beste sesongen med vadarar sidan 1994. Tilsaman blei 878 vadarar fordelt på 14 artar ringmerkte, med myrsnipe(512), sandlo(162), dvergsnipe (73), og tundrasnipe(49) på topp. Ein ny ringmerkingsart for gruppa, rustsnipe, blei også fanga. I ei veke heldt over 500 vadarar til i bukta der fangsten foregår. I granfeltet, ikkje så langt frå fangstplassen for vadarar, blei det i år drive meir jamn fangst av småfugl (i 45 dagar). Tilsaman 2548 andre fuglar, mest sporvefuglar, blei ringmerkte. Totalt blei 3426 fuglar ringmerkte i Makkevika i 1999. Dominerande artar blant sporvefuglane var først heipiplerke (721). Seinare dukka det opp store mengder av blåmeis (522). Dette med store tog av blåmeis er ikkje kjent på Sunnmøre elles. Når denne arten blei høyrd nærme seg, blei dei fleste netta lukka. Meir spesielle ringmerkingsartar var gråspett(2), flaggspett(12), vendehals(1), hauksongar(3), bøksongar(1), grankorsnebb(17), bandkorsnebb(1). Nemnast bør også ein hønsehauk og ein vandrefalk som flaug i netta. I tillegg til merkarane nemnde i innleiinga var desse med på Giske OS: Helge Håberg(1), Charlotte, Tom, Torbjørn Idland, Sveinung Remøy(4), Ingunn Solheim(1), Lill Susanne Stubberud(2) og Derek Stanyard(5) frå Wales, der han er leiar av Scan RG. Låvesvale: Gruppa legg ned mykje arbeid med den arten. Vi prøver kvart år å få totaloversikt over hekkebestanden i kommunane Hareid, Ulstein og Volda, som er referansekommunar, men i år svikta det delvis i sistnemnde kommune. Vi arbeider sjølvsagt med arten i mange andre kommunar også. Arten var i 1999 om lag som året før. På den store overnattingsplassen ved Ratvikvatnet, Ålesund overnatta det ikkje låvesvaler i 1999. Fuglane har flytta til eit nærliggande vatn, Lerstadvatnet, der dei overnattar på ein "holme" av dunkjevler. Det er mogeleg at svalene flytta fordi overnattingsplassen i Lerstadvatnet er mykje tryggare mot rovfuglangrep enn i Ratvikvatnet. På sistnemde plass har det vakse opp bjørkeskog like inn til takrørområda, og gir derfor flygande predatorar god sjanse til overraskelseangrep. I Lerstadvatnet, derimot, må rovfuglar over ei vassflate på ca. 50 meter, og det skulle gi rikeleg tid til å kome seg unna for svalene. Om lag 1300 låvesvaler blei fanga og ringmerkte, sjølv om fangsten ikkje starta før i førstninga av september. Over 4000 låvesvaler overnatta der på det meste. Fossekall: Vi undersøkte det vanlege området vårt, Sunnmøre + nokre kommunar i Nordfjord. Tilsaman over 7000 km2. Det blei desseverre ikkje fullstendig i dei sørlege kommunane, så tilsaman blei berre 568 ungar og 56 vaksne ringmerkte. Det burde ha vore ein god del meir. Bestanden av fossekall var denne hekkesesongen svært bra, det beste sidan 1970-åra. På nesten samtlege hekkeplassar var der fossekall. Ein ny , lovande overvintringsplass i Norddal kommune blei det oppdaga der fangst er svært lett å gjennomføre. Afrika-trekkande småfuglar: Det var eit gledens år med tanke på denne gruppa. Mange av artane viste ein klar framgang samanlikna med dei siste åra, sjølv om det er langt igjen til desse artane når toppen igjen. Spesielt tornsongar, gulsongar og buskskvett viste klar framgang, men også dei fleste andre, m.a. lauvsongar og gransongar. Sivsongaren var derimot på same nivået som året før. Svartkvit flugesnappar, meiser og trostar m.m: Mange av dei insektetande artane har gått kraftig tilbake på Sunnmøre dei siste sesongane pga. kaldt ver, vind og mykje nedbør i ungeperioden. Med eit unntak(1997) har det vore elendige hekkesesongar for både svartkvit,meiser m.m. Svartkvit flugesnappar hadde i 1999 ein betre hekkesesong enn på mange år. Likevel var det tydeleg at det var dei optimale hekkeplassane(nær vatn) som hadde best belegg. Populasjonen ligg enno langt under bestanden som var før tilbakegangen begynte. Blåmeis hadde store problem med lita hekking og dårleg hekkeresultat, akkurat som i 1998. Hos kjøtmeisa var det uvanleg mange hekkepar, men hekkeresultatet svært variabelt. Dei fire vanlege trosteartane hadde i 1999 ein svært god hekkesesong. Også stjertmeisa aukar på igjen, etter at arten var heilt borte for nokre år sidan. Og gjerdesmetten viser stor framgang etter dei siste milde vintrane. Artar i tilbakegang: Den arten som tydeleg har gått tilbake utan at det tidlegare har vore nemnt, er bokfink. Det er heilt klart at det er blitt langt færre hekkepar av den arten enn for ti-tjue år sidan. Grunnen til dette forstår vi ikkje heilt. Same sterke tibakegangen synest å vere hos trepiplerka. Også steinskvett har tydeleg gått tilbake. Andøya flystasjon: Johnny Bakken arbeider framleis på Andøy flystasjon i Nordland. På stasjonsområdet hekkar ein del vadarartar som vi søringar ikkje er så vane med. Sist sesong var ikkje så vellukka ringmerkingsmessig, men to fuglar derifrå, merket tidlegare år, gav interessanne gjenfunn: Ein av småspoveungane blei fanga i Guinea i vest-Afrika, i februar, som er første norske småspove frå overvintringsområdet. Ein storspove blei teken av rovfugl på Isle of Man i England. UTANLANDSMERKTE FUGLAR: Andøy, Nordland: Den britiskmerkte tjelden var framleis på plass i 1999. Sunnmøre: Tre britiskmerkte havsvaler blei kontrollerte. Myrsnipe: Ei ung myrsnipe som blei kontrollert i Makkevika, Giske, i slutten av august, var i førstninga av juli ringmerkt i Nord-Finland. To danskmerkte låvesvaler(frå Husby Sø, Jylland), vart kontrollerte som hekkefuglar i henholdsvis Skodje og Stryn kommunar. Fire fossekallar med svenske ringar blei kontrollerte. Vanskelege elvar gjorde at det ikkje lukkast å fange inn ytterlegare to(sannsynlegvis begge svenske). Derimot blei ein annan svenskmerkt fugl, ein gråsisik, kontrollert på Hareid. Ringmerkingsoversikt Sunnmøre RG 1999:
|
