SUNNMØRE RG ÅR 1998

SUMMARY: Sunnmøre RG consisted of 20 active ringers in 1998. Our group runs the ornithological station, Giske OS (the locality is named Makkevika), were we mostly ring waders in autum ; most of these are caught by mist nets at night. This year there were more waders than the three earlier seasons. 749 waders of 11 species were ringed at the station. The group tries to specialize in Storm Petrel Hydrobates pelagicus but this season failed in catching adult birds (only 85 adults ring + 1pullus). We try spezialize in Dipper Cinclus cinclus, and 534 individuals,mostly nestlings, were ringed. We are participants in the swallow project Hirundo rustica;there is a distinct decrease compared with the 1970`s. We ringed 1081 pullus and 503 adults, some hundreds fewer than the year before . Rare ringing species were e.g. Yellow-browed Warbler Phylloscopus inornauts (3 individuals) and Black-tailed Godwit Limosa limosa (5 pullus). We recived recovery of a Shetland ringed Gannet Sula bassana, found dead. A Finnish Ospery Pandion haliaetus ringed as pullus in July, was found dead tree mounth after the ringing in Finnland. Two british-ringed Oystercatchers Haematopus ostralegus were controlled, breeding. Five Dippers Cinclus cinclus, ringed in Sweden, were controlled, mostly by nests, and a Swallow Hirundo rustica ringed in Denmark in autumn, was controlled by nest, too. Two Greenfinches Carduelis chloris ringed in Denmark, were controlled.

Sunnmøre RG er den eine av tre ringmerkingsgrupper i Møre & Romsdal, som alle er tilknytte OUM (Ornitlogiske Undersøkningar, Møre & Romsdal). Dei to andre er Trollheimen RG og Nordmøre & Romsdal RG.

Desse ringmerkarane nytta lisensen sin i 1998: Johnny Bakken, Jostein Fagerhol, Alv Ottar Folkestad, Lars Petter Folkestad(5), Petter Folkestad(22), Karl Johan Grimstad, Rune L. Holstad, Nelly Huserbråten, Vegard Aambø Langvatn(3), Tore Chr. Michaelsen(22), Roy Henning Molnes, Per Ole Myklebust, Per Steinar Myklebust, Oddvar Olsen (1), Tor-Amund Røsberg(4), Bjarte Røyset, Bent Skarshaug, Kjell Eik Solheim(4), Kjell Mork Soot(1) og Ståle Sætre. Dag Ørskog Holtan(3) og Lill Susann Stubberud(2) var medhjelparar på Giske OS. Tala etter namnet viser antal fangstdøgn på Giske OS. Elles var Torbjørn Hasund, Veronica Hovden og Stian Moldskred til god hjelp, og har teke eksamen i 1999.

I 1998 var desse fangstplassane i drift i lengre periodar: Giske kommune (to stader) : Makkevika (=Giske OS) og Skjongskaret på Valderøy. Hareid kommune (to stader): Grimstadvatnet og Hovden. Volda Kommune: Lauvstad. Eid kommune, Sogn og Fjordane: Nordfjordeid. Verforhold og liten tid og avsjå gjorde at fangsten på andre stader var minimal.

NOKRE KOMMENTARAR TIL RINGMERKINGANE:

Havsvale: Vanskeleg mannskapssituasjon, og i periodar dårlege verforhold, gjorde at vi denne sesongen fekk arbeidt svært lite med denne arten. Litt fangst føregjekk på Kråkenes i Vågsøy kommune, Synnes på Giske, Ulla fyr i Haram og Bleiksøy fyr i Andøy, Nordland. To av gruppemedlemmene, Vegard Aambø Langvatn og Oddvar Olsen, fann imidlertid hekkande havsvaler på Svinøya i Herøy. Dette er fjerde påviste hekkeplass på Sunnmøre / Nordfjord. (I 1996 blei arten for første gong funnen hekkande på Erkna, Giske. I 1997 på Klovningen, Vågsøy og Veststeinen, Bremanger.) Ein unge blei ringmerkt på Erkna sesongen 1998. Ved merkinga 14. september vog han 42 gram.

Storjo: Alv Ottar Folkestad la ned mykje arbeid på å få ringmerkt storjo-ungane på Runde og omkringliggjande øyar. 25 ungar blei ringmerkte, det beste resultatet vi har hatt i løpet av ein sesong.

Havørna hadde i 1998 eit svært godt produksjonsår, og 32 ungar blei ringmerkte. Det kunne ha blitt ringmerkt ein god del meir hadde vergudane vore betre . Det er ikkje ufarleg å klatre i vått, sleipt fjell på jakt etter havørnungar.

Småvadarfangsten på Giske OS var betre enn dei tre foregåande åra. 749 vadarar fordelt på 11 artar blei ringmerkte. Det vart i oktober sett i gang lovande forsøksfangst i eit lite skogsområde like ved fangstplassen for vadarar, og nokre få hundre vart fanga inn.Det vil i år bli satsa hardare der for å sjå om dette er ein plass å satse på med tanke på sporvefugl, for vi manglar heilt klart ein god fangstplass for passeriformes på Sunnmøre.

Låvesvale : Gruppa legg ned mykje arbeid med denne arten. Vi prøver kvart år å få totaloversikt over hekkebestanden i kommunane Hareid, Ulstein og Volda, som er referansekommunar. Vi arbeider sjølvsagt i andre kommunar også. Antalet hekkepar var i 1998 om lag som året før. Ved den store overnattingsplassen ved Ratvikvatnet, Ålesund, overnatta ikkje låvesvaler i 1998. Vi har ein teori om at mange av svalene overnatta inne i bygningar siste sesong pga. mykje dårleg ver i den perioden dei vanlegvis overnattar ute i sivvegetasjonen.

Fossekall : Gruppa satsa på å få kartlagt heile Sunnmøre og delar av Nordfjord (over 7000 km2) i samband med at fossekallen var årets fugl i 1997.Tettaste hekkepopulasjonen på Sunnmøre og i Nordfjord er i Hellesyltområdet i Stranda kommune.Vi blir ikkje forundra om vi her finn den tettaste hekkepopulasjonen i heile Noreg. Det som er spesielt med dette området, er at alle para hekkar på naturlege hekkeplassar laga av naturen sjølv ! Vi vil i åra framover m.a. konsentrere oss om denne arten. Pga. at det er planar om kraftutbyggjing i Hellesyltområdet, vil vi satse på å få best mogeleg oversikt der. Det var færre fossekall som hekka ute ved kysten enn vanleg. Vi har ein teori om at den snøfattige vinteren gjorde at fuglane lettare fann hekkeplass lenger inne i landet under vårtrekket og derfor slo seg til der i staden for å dra lenger ut til kysten.

Svartkvit fugesnappar, meiser og andre småfuglartar: Mange av dei insektetande artane har gått kraftig tilbake på Sunnmøre dei siste sesongane pga. kaldt ver og mykje nedbør i i ungeperioden . Med eitt unntak (1997) har det vore elendige hekkesesongar for både svartkvit, meiser, lauvsongar m.m. Svartkvit flugesnappar hadde ein svært god hekkesesong i 1997. Vi forventa derfor større hekkepopulasjon i 1998 for den arten, men talet på hekkefugl var skuffande lågt. Hekkesuksessen vart dårleg i 1998 pga. ein lenger regnversperiode akkurat i ungeperioden. Blåmeisa også hadde store problem. Omtrent alle kull dauda i reiret. Kjøtmeisa også hadde vansker, men klarte seg litt betre enn blåmeisa. Det kunne ikkje påvisast nokon oppgang hos lauvsongaren, som hadde ein svært god hekkesesong året før. Andre artar, som er mindre vanlege, har sikkert hatt same problemet som dei ovanfornemnde, men det har ikkje vore så lett å registrere dette. Ein art som synest å ha hatt ein god sesong i 1998, var raudstrupe. Også sivsongarpopulasjonen ved Grimstadvatnet, Hareid, var større enn i 1997.

Andøya flystasjon: Johnny Bakken arbeider på Andøya flystasjon i Nordland. På stasjonsområdet hekkar ein del artar som vi søringar ikkje er så vane med. M.a. ringmerkte Johnny fem ungar av svarthalespove og åtte av småspove. Ein av småspoveungane er allereie skoten (!) i Frankrike.

UTANLANDSMERKTE FUGLAR:

Andøy, Nordland: To britiskmerkte fuglar blei konstantert av Johnny: havsvale og tjeld.

Sunnmøre: Ei havsule med britisk ring blei funnen daud på Godøya, Giske. Ei finskmerkt fiskeørn blei funnen daud i Bjørkedalen, Volda. Denne fuglen var ringmerkt som unge tre månader før. I samband med låvesvaleprosjektet blei ei låvesvale med dansk ring kontrollert ved reir på Skodje. Ho var ringmerkt i september 1996 ved Husby Sø. Fem fossekallar med svensk ring blei kontrollert på ulike stader på Sunnmøre . To danskmerkte grønfinkar gjekk i nettet på foringsplass på Hareid.

Ringmerkingsoversikt Sunnmøre RG 1998: