FELTARBEID VED FOKSTUMYRA
2005
Med hovudvekt på ornitologi og ringmerking,
Også litt om flaggermus, augestikkarar, sommarfuglar, frøplanter, mosar og sopp .
Kjell Mork Soot, Karl Johan Grimstad og Tore Chr. Michaelsen.
Desember 2005
Myrhaukungar, Fokstumyrområdet 16. juli 2005. (Alle foto: Kjell Mork Soot)
FELTARBEID VED FOKSTUMYRA I 2005
Litt om feltsesongen 2005
Vårsesongen:
Vi (KJG, KMS) var første gong i Fokstumyrområdet i helga 05-06.mai. Store delar av myra var framleis snødekt; men dyrkamarka på Fokstugu var omtrent snøfri. Der vi hadde fanga med nett året før, var det framleis snø over alt, opp til ein meter, sikkert forårsaka av snøskjermane borte ved jernbanelinja. Temperaturen var om dagen 3-4 varmegrader. Om natta 4-5 minusgrader. Trass i det vinterlege veret, var der ein del fugl å sjå: Storlomen var komen. Av andefuglar såg vi stokkand, krikkand, brunakke, toppand og siland. På markene på Fokstugu gjekk der over 30 heilo. Enkeltbekkasinen var over alt. Nokre få gluttsniper hadde også dukka opp, og vipene kunne ein sjå enkeltvis og parvis over heile området. To par av tårnfalk heldt til i Fokstuguområdet, medan ei fjorårsgammal kongeørn passerte over oss ved fugletårnet då vi gjekk turløypa. To tranepar og ein einsleg fugl både høyrde og såg vi til stadig. Fiskemåsen heldt til i mindre tal der det var ope vatn, medan det var spor i snøen etter lirype over alt. Fleire par blei observert. Sporvefuglane var det ikkje kome så mange artar av enno: heipiplerka vart observert over alt. Sivsporven var også vanleg Det var mest hannar å sjå. På turen rundt myra dukka ein steinskvett opp, og spreidde observasjonar av raudvengtrast blei gjorde. Over 10 gråtrastar søkte etter mat på markene på Fokstugu. For å gjere biletet komplett, må nemnast at kråker var over alt, og skjoraparet på Fokstugu var klar for ein ny sesong med reir like under mønet på største våningshuset på garden.
20-21.mai: Det var skuffande å kome tilbake 14 dagar etterpå. Ein kald, ganske sterk sørleg vind bles konstant. Dagstemperaturen var på rundt fem varmegrader. Snøen låg enno enkelte stader, og mange av vatna ute på myra var isdekte. Dei fleste av trekkfuglane var nok komne, men det var liten songaktivitet. Myrhauken var komen sidan sist. Det same var nokre få brushanar, grønstilk, raudstilk, strandsnipe og småspove. Ei utfarga havørn oppheldt seg fleire timar inne i reservatet, medan ein dvergfalk passerte i rask flukt. Ein fjellvåk dreiv med fluktspel ved Vålåsjøen. Hettemåsen kunne ein sjå enkelte plassar, men mest ved Lesjabekk/Vålåsjøen. Ei tidleg raudnebbterne jakta over Søndre Horrtjern. Ein god del med blåstrupe var å sjå og høyre , medan ein forfrosen lauvsongar dukka opp som den første av den arten ved fugletårnet. Fokstumyrområdet var strengt tatt ikkje så mykje meir vårleg no enn for to veker sidan.
04-05.juni: Veret var som i midten av mai. Det var kaldt. Ingen lauvsprett. Fuglen var svært still. Det var liten songaktivitet. Avspeling av lyd for å provosere fram f.eks blåstrupe og lauvsongar, ga liten respons. Det såg ut til at dei måtte spare på kreftene. Heller bruke energien til å leite etter mat.Det verka som der var bra med fugl, men dei hadde problem i det kalde veret. Og ein ting til blei klart: Det fanst nesten ikkje smågnagarar.
Sommar- og haustsesongen:
08-10.juli: Ei ringdue ”song” ved Fokstugu stasjon, medan ein flokk på 15 fugl beita på den nysådde enga på Fokstugu. Det var mykje gauk å høyre, tårnseglarane var stadig å sjå, medan taksvalene var langt færre enn i 2004. Grunnen til det var lett å finne ut: Skjora hadde røva nesten alle reira. Ho hadde rive dei sund, og teke egga/ungane. Berre eitt par fekk i løpet av sesongen ut ungar. Dei hadde plassert reiret på innsida av veggen.
Vi prøvde litt med nettfangst på nettplassen, men det ga lite resultat. Artigaste nettrunda var då vi fekk berre to fuglar, men begge hadde utanlandsk ring: Ein lauvsongar hadde på sjølvaste 17.mai vore på Ottenby, Öland i Sverige og var blitt ringmerkt der, medan ein blåstrupe, på veg til ukjent overvintringsområde, hadde hamna i eit finsk fangstnett 09.september 2003 i Finskebukta, ca. 30 km frå russegrensa.
Det viste seg at det var for tidleg å starte kontinuerlig nettfangst på den faste fangstplassen enno. Det var lite fugl å få i netta. Enno låg mange ungar i reiret.
15-17. juli: Denne helga observerte vi ein art som ikkje hadde vore sett på Fokstumyra sidan 1918, gulsporv. To individ tok for seg av havren som Laurits Sønstebø hadde sådd i gjenlegget sitt. Det var kanskje ein av desse som hamna i netta våre 02.august. Ein annan art, som var sett berre ein gong før på Fokstumyra (1942), gulsongar, hang i eine heisenettet 16.juli.
Takka vere god hjelp frå oppsynsmann Thor Østbye, fekk vi i løpet av helga ringmerkt eit kull på fire myrhaukungar. Dette var noko spesielt for oss som nesten aldri ser denne arten på Sunnmøre. Denne helga var ein annan art dukka opp : gråhegre. Det er ei kjend sak at ungfuglen til denne arten stikk langt vekk frå hekkekolonien kort tid etter utflyging. Fleire individ blei desse dagane observert i Fokstugu/Horrtjernområdet og Lesjabekk/Vålåsjøen. Nettfangsten ga enno dårleg resultat, så vi bestemte oss for å begynne med den for fullt i slutten av juli.
27.juli – 14.august: I denne perioden fanga vi samanhengande, med to unntak: 07.august, då KJG måtte heim fordi sommarferien var slutt for hans del. Det passa i grunnen bra den dagen, fordi relativt kraftig regn og vind gjorde fangst umogeleg. Den 11. august kunne det heller ikkje fangast pga sterk nedbør.
27.juli kom vi ut på kvelden og begynte å setje opp netta. Under oppsettet fekk vi m.a. 12 ungfugl av blåstrupe og ei nordflaggermus. Seinare i sesongen fekk vi to flaggermus til av same arten (sjå lenger bak i oversikta).
Det viste seg at blåstrupeungfuglane var seinare ute enn året før. Mellom ei og to veker seinare utvikla enn fjoråret var dei nok. Samanlikna med 2004 var det ikkje noko store fangstdagar av den arten . Beste fangstdagen for året var ikkje før 20.august med 58 individ. Fangsten såg då ut til å vere litt større enn før i sesongen, men vi hadde då høve til fangst berre i helgane, så vi fekk ikkje eit fullstendig bilete av arten i den perioden. Det verka som om det var mindre med blåstrupe enn i 2004. Dette kan kanskje kome av det kalde veret i starten av hekkesesongen, og større predasjon pga lite smågnagarar. Heller ikkje sivsporven kom opp til same høgdene som i 2004. Gulerle fekk vi berre eitt individ av i 2004. I 2005 fekk vi 22 individ . Den siste blei fanga 14. 08. Helga etter var det mange gulerler å sjå, men etter det var arten vekk.
Dei neste dagane ga mindre fangst enn venta, sjølv om vi starta klokka 03 om morgonen og kunne halde det gåande til klokka 23 om kvelden, kanskje med ein pause over middag medan fuglen også tek det rolegare. Siste dagen i juli var første gong at vi passerte over 100 ringmerkingar på ein dag. Denne dagen dukka raudstrupe, trepiplerke, buskskvett og munk opp i netta for første gong dette året. Og ein ny art for Fokstumyra og for oss: svartraudstjert. Fangsten av denne arten ga oss noko å tenkje på: Kan han hekke høgt til fjells i Dovreområdet, i dei øvste steinurdene der berre snøsporv og steinskvett held hus ? Han hekkar i høgfjellet lenger sør i Europa.Det kan han kanskje gjere også i Noreg?
I denne bolken dukka det også opp fuglekonge, sivsongar, møller, svartkvit flugesnappar, lappsporv og grankorsnebb i netta. Og ein tredje fugl fugl med utanlandsk ring, ein svenskmerkt brunsisik, som var ringmerkt hausten før i vårt broderland. Ein ny art for Fokstumyra melde seg på i slutten av denne perioden: bydue. Ikkje den store sensasjonen akkurat, men det var greitt å få arten registrert. 13.august sat 7 buskvettar oppleina langs gardsvegen på Fokstugu. Den arten var no tydeleg på trekk. Første frostnatta var 09. august; to minusgrader blei målt ved ankomst til nettplassen . Fangsten var sjølvsagt dårleg når netta var heilt kvite av rim. Rimen var ikkje vekke før klokka 07.30, og då var beste tida for fangst den dagen forbi. I det heile var fangstveret mykje dårlegare i 2005 enn i 2004. Vind, regn og frost prega meir veret i år enn i fjor gjennom heile sesongen.
19-21.august : 20. august ga årsbeste med tanke på tal ringmerkte. 217 fugl på ein dag lar seg gjerne høyre kvar ein enn fangar i Noreg. Denne dagen ga årsbeste for blåstrupe (58) og sivsporv (42). Andre dvergfalken for året hamna i nettet, og ei diger hønsehaukhoe i ungfugldrakt. To gråflugesnappar var første ringmerkte av denne arten på Fokstugu. Dagen etter kom den første sporvehauken i nettet.
26-28.august: I løpet av denne helga blei det fanga 228 fugl. Årsbeste for heipiplerke (55 ind den 27.08) og sporvehauk nummer to for året. Det var meir enn vanleg av trepiplerke,raudstrupe, munk og hagesongar.
02-04.september: Denne helga dukka bokfink og gransongar opp for første gong denne sesongen. Ein ung lauvsongar med framand, norsk ring blei kontrollert. Det viste seg at fuglen var blitt ringmerkt i Bjugn, Sør-Trøndeleg, åtte dagar før, og ca.185 km rett nord for Fokstugu. Fuglen hadde ein diger flått ved nebbrota. Dette er første flåtten vi har sett på fugl på Fokstugu. Og endeleg lukkast det å få kloa i ei rugde. Fleire fuglar hadde tidlegare vore i netta, men kome seg ut att. Ei spettmeis var den første registrerte for Fokstumyra. Den raudlista vendehalsen hang det eitt eksemplar av i nettet, og ein hauksongar. Hauksongaren var den første funnen i Oppland. 213 fugl fekk ring denne helga.
09-11.september: Dei siste blåstrupane for året blei fanga. Det same galdt for trepiplerke, munk, hagesongar og lauvsongar. Den sistnemnde fuglen, ei hoe, var enno i sterk myting. Det ville sikkert ta både ei og to veker før han var klar for trekk. Sein hekking var nok grunnen til det. Netta var kraftig rima etter frost om natta. Derfor oppdaga ei flaggspett netta i siste liten og kom seg unna. Dette var første registrering på Fokstumyra. Ein sporvehauk jakta i området. Siste dagen ga årsbeste for raudstrupen (20).
23-25.september: Sterk vind og regn øydela mykje av fangsten. Det var berre i periodar at ein kunne fange med nett. Første blåmeisa for året dukka opp. Nærmare middag 24. september passerte ca 45 kortnebbgås i den sterke, sørlege vinden. To gongar tidlegare på dag vart gås høyrt, men ikkje sett, fordi trea i fangstområdet hindra utsyn. Denne arten blei første gong registrert året før. 25.september hang ein dvergsporv i nettet. Dette er tredje registrering i Oppland og den andre for Fokstumyra. Det blei konstantert eit mindre trekk av heipiplerke, raudstrupe, gråtrast, raudvengtrast,bokfink og sivsporv. Sistnemnde arten var vanlegaste småfuglen å sjå denne helga.
30.september – 02.oktober: Laurdagen blei spolert av sterk vind. Berre 13 fugl fekk ring. Ny art registrert for Fokstumyra: grågås av den vestlege rasen anser. Ho gjekk og beita blant sauene på garden. Ei kongeørn passerte seinare på dag. Ein fuglekonge hang merkeleg nok i nettet i den kraftige vinden, og ein enkeltbekkasin blei første fuglen vi fanga i ruser vi hadde teke med.
Søndagen var betre vermessig, men litt vind var det. Ein ung hønsehauk blei observert. Om det var same fuglen vi såg ei veke etter, er ikkje godt å seie. Første ringmerking av flaggspett, og andre observasjon på Fokstumyra, fann stad denne dagen. Fem fuglekonge viste at noko var på gang med den arten. 16 raudstrupe, nest beste dagen for året, synte klart at det går eit brukbart trekk av raudstrupe over Fokstumyra kvar haust. Sivsporv var det mykje å sjå av denne helga også.
07.oktober- 15.oktober: Håpet var sjølvsagt at det i denne perioden skulle bli bra fangstver, slik at ein skulle få eit godt innsyn i fuglefaunaen i oktober. Det blei med håpet. Det var sørleg kuling av sterk styrke nesten heile tida, så fangsten var sjølvsagt deretter. Berre ein dag, 13. oktober, blei over 100 fugl ringmerkt. Med brukbart ver har Fokstugu potensiale i seg til å bikke det talet ofte også i oktober. Det kunne vere relativt vindstilt ein kort periode om morgonen, men så sette kulingen i gang. Gjennomsnittleg blei ca. 50 fugl fanga pr. dag denne perioden. Det var meir enkeltbekkasin å sjå enn tidlegare i sesongen. Det var nok ikkje representantar frå den lokale stamma som blei sett, men fugl på forbitrekk. Det er sannsynleg at mange av desse kjem austanfrå. To gongar blei ringdueflokkar observert der dei kjempa seg fram mot vinden i retning Dombås. Småfugl på trekk var det lite å sjå av. Gråsisiken og brunsisiken tok nødig på vengane i den sterke vinden. Det blei etter kvart oppdaga at mange av desse heile dagane smatt rundt i vierkrattet på leiting etter mat. Kvar einaste dag, frå vi starta med nettfangst i juli og til vi slutta 15. oktober, fekk vi desse to artane i netta. I denne siste perioden fekk vi til dels større og lysare eksemplar. Fleire av dei var grensetilfelle mot polarsisik, men kunne ikkje bestemmast heilt sikkert til den arten. Dermed er dei loggførte som gråsisik. Heile perioden var det også ein del sivsporv å sjå i grenseovergangen mellom dyrka mark og vierkratta, og helst der vinden ikkje fekk så godt tak. Kvar dag, uansett vind, blei fuglekonge fanga. Det var i grunnen uventa at så mange (102) av desse lettvektarane i det heile blei hengande i netta. 42 individ blei fanga 13.10, under nokre timar med noko lunde stille ver. Dagen før blei 20 fanga i ei tilsvarande ”vindpause”. Kontrollar av finsk-, estlandsk- og russiskmerkte fuglekongar på vestkysten viser at mange av desse fuglane kom langt austanfrå. Små flokkar med bjørkefink passerte også forbi. Gråtrasten var tydelegvis ikkje så interessert i å trekke under kulingen. Først dei to siste dagane, då vinden løya litt, begynte han å røre på seg. Då passerte nokre få tusen Fokstugu. Hovudtrekket var nok ikkje kome i gang for alvor. Raudvengtrasten og svarttrasten vart observert berre i mindre mengder. Sannsynlegvis hemma vinden trekket for mange artar. Vi hadde venta. meir av f.eks raudstrupe og gransongar, bygt på erfaringane i 2004, men berre nokre få individ blei fanga eller observert. Det var meir blåmeis og kjøtmeis enn førre år. Begge artane dukka opp i slutten av september og var der framleis då netta blei pakka saman 15. oktober. Det går nok eit jamt trekk av desse artane over fjellet. To dompap blei fanga i lag , dette doblar talet på den arten på Fokstugu, for førsteobservasjon var året før på eitt individ. Grønfinken flaug det tre eksemplar av i netta. I tillegg heldt eit mindre tal til i einekratta vest for Fokstugu gard. Ein kråkeflokk på om lag 10 individ, tydeleg på trekk mot sør , blei observert 14. oktober. Nokre dagar før hamna ein varslar i nettet, medan han jakta på ein sivsporv. Klok av skade blei hanskar brukt då fuglen teken blei teken ut . Nebbspissen på overnebbet er ikkje å spøke med. Og til slutt, då netta var i ferd å bli pakka saman, hang ein ny raudlisteart i netta, dvergspett. Ei fin avslutning på ein interesann sesong.
Vanskelege fangstforhold i store delar av sesongen, og mindre fugl, som kanskje var eit resultat av det dårlege veret, enda med 2963 fugl ringmerkt i 2005, 131 færre enn året før. Dette sjølv om arbeidsinnsatsen var større. Men vi har allereie begynt å gle oss til feltarbeidet i 2006 på denne fantastiske plassen. Det er heldigvis enno mykje ugjort der oppe.
Myting:
Vierkratta rundt Fokstugu stasjon er tilhaldsstad for store mengder fugl under myting. Desse er sjølvsagt spesielt utsette for dei stillegåande og hurtige passasjertoga, pga mykje dårlegare flygeevne og manøvreringsevne i myteperioden. Sporvefuglar fanga inn under myting er heipiplerke, gulerle, jernsporv, raudstrupe, blåstrupe, gråtrast, måltrast, raudvengtrast, munk, lauvsongar, granmeis, bjørkefink, gråsisik, brunsisik og sivsporv.
RINGMERKT PÅ FOKSTUGU 2003-2005 *
| Art |
Ringmerkt 2003 - 2004 |
Pull 2005 |
Fg. 2005 |
Tilsaman2005 |
Totalt |
| Krikkand Anas crecca |
1 |
- |
- |
- |
1 |
| Myrhauk Circus cyaneus |
- |
4 |
- |
4 |
4 |
| Hønsehauk Accipiter gentilis |
- |
- |
1 |
1 |
1 |
| Sporvehauk Accipiter nisus |
1 |
- |
2 |
2 |
3 |
| Dvergfalk Falco columbarius |
- |
- |
2 |
2 |
2 |
| Enkeltbekkasin Gall. gallinago |
2 |
- |
6 |
6 |
8 |
| Rugde Scolopax rusticola |
- |
- |
1 |
1 |
1 |
| Strandsnipe Actitis hypoleucos |
- |
- |
1 |
1 |
1 |
| Perleugle Aegolius funereus |
1 |
- |
- |
- |
1 |
| Vendehals Jynx torquilla |
- |
- |
1 |
1 |
1 |
| Flaggspett Dendrocopus major |
- |
- |
1 |
1 |
1 |
| Dvergspett Dendrocopus minor |
- |
- |
1 |
1 |
1 |
| Trepiplerke Anthus trivialis |
11 |
- |
16 |
16 |
27 |
| Heipiplerke Anthus pratensis |
483 |
- |
469 |
469 |
952 |
| Gulerle Motacilla flava |
1 |
- |
22 |
22 |
23 |
| Fossekall Cinclus cinclus |
- |
- |
3 |
3 |
3 |
| Gjerdesmett Troglo. troglodytes |
5 |
- |
- |
- |
5 |
| Jernsporv Prunella modularis |
140 |
- |
50 |
50 |
190 |
| Raudstrupe Erithacus rubecula |
119 |
- |
85 |
85 |
204 |
| Blåstrupe Luscinia svecica |
944 |
- |
389 |
389 |
1333 |
| Svartraudstjert Ph. ochruros |
- |
- |
1 |
1 |
1 |
| Raudstjert Phoen. phoenicurus |
18 |
- |
9 |
9 |
27 |
| Buskskvett Saxicola rubetra |
1 |
- |
1 |
1 |
2 |
| Steinskvett Oenanthe oenanthe |
2 |
- |
2 |
2 |
4 |
| Svarttrast Turdus merula |
4 |
- |
8 |
8 |
12 |
| Gråtrast Turdus pilaris |
14 |
- |
58 |
58 |
72 |
| Art |
Ringmerkt 2003 - 2004 |
Pull 2005 |
Fg. 2005 |
Tilsaman2005 |
Totalt |
|
| Måltrast Turdus philomelos |
13 |
- |
18 |
18 |
31 |
|
| Raudvengtrast Turdus iliacus |
35 |
- |
41 |
41 |
76 |
|
| Sivsongar Acroc. schoenobaenus |
2 |
- |
1 |
1 |
3 |
|
| Gulsongar Hippolais icterina |
- |
- |
6 |
6 |
6 |
|
| Hauksongar Sylvia nisoria |
- |
- |
1 |
1 |
1 |
|
| Møller Sylvia curruca |
7 |
- |
7 |
7 |
14 |
|
| Hagesongar Sylvia borin |
5 |
- |
12 |
12 |
17 |
|
| Munk Sylvia atricapilla |
8 |
- |
16 |
16 |
24 |
|
| Gulbrynsongar, Ph. inornatus |
- |
- |
1 |
1 |
1 |
|
| Gransongar Phyllosc. collybita |
19 |
- |
15 |
15 |
34 |
|
| Lauvsongar Phyllosc. trochilus |
551 |
6 |
561 |
567 |
1118 |
|
| Fuglekonge Regulus regulus |
5 |
- |
113 |
113 |
118 |
|
| Gråflugesnappar Musc. striata |
- |
- |
2 |
2 |
2 |
|
| Svartkvit flugesn. F. hypoleuca |
5 |
- |
7 |
7 |
12 |
|
| Granmeis Parus montanus |
20 |
- |
8 |
8 |
28 |
|
| Blåmeis Parus caeruleus |
7 |
- |
11 |
11 |
18 |
|
| Kjøtmeis Parus major |
16 |
- |
19 |
19 |
35 |
|
| Spettmeis Sitta europaea |
- |
- |
1 |
1 |
1 |
|
| Varslar Lanius excubitor |
- |
- |
1 |
1 |
1 |
|
| Pilfink Passer montanus |
2 |
- |
- |
- |
2 |
|
| Bokfink Fringilla coelebs |
5 |
- |
10 |
10 |
15 |
|
| Bjørkefink Fring. montifringilla |
22 |
- |
59 |
59 |
81 |
|
| Grønfink Carduelis chloris |
1 |
- |
3 |
3 |
4 |
|
| Grønsisik Carduelis spinus |
3 |
- |
7 |
7 |
10 |
|
| Gråsisik Caruelis flammea |
232 |
4 |
420 |
424 |
656 |
|
| Brunsisik Carduelis cabaret |
103 |
- |
190 |
190 |
293 |
|
| Polarsisik Carduelis hornemanni |
1 |
- |
- |
- |
1 |
|
| Rosenfink Carpod. erythrinus |
2 |
- |
- |
-. |
2 |
|
| Grankorsnebb Lox. curvirostra |
- |
- |
1 |
1 |
1 |
|
| Dompap Pyrrhula pyrrhula |
- |
- |
2 |
2 |
2 |
|
| Lappsporv Calcarius lapponicus |
- |
- |
1 |
1 |
1 |
|
| Gulsporv Emberiza citrinella |
- |
- |
1 |
1 |
1 |
|
| Dvergsporv Emberiza pusilla |
- |
- |
1 |
1 |
1 |
|
| Sivsporv Emberiza schoeniclus |
449 |
- |
284 |
284 |
733 |
|
| Totalt 60 artar (54 artar i 2005): |
3260 |
14 |
2949 |
2963 |
6223 |
|
* Inkludert er 4 myrhauk, 2 blåstrupe, 1 gråtrast og 6 lauvsongar er ringmerkt på andre stader enn sjølve Fokstugu (men utanfor grensene av Fokstumyra Naturreservat).
Gjenfunn og kontrollar av fuglar på Fokstugu:
Forklaring av symbol:
| 1K |
= |
1. kalenderår. Fuglen er klekt same år som han er ringmerkt |
| 1K+ |
= |
Alder usikker. Klekt ringmerkingsåret eller tidlegare. |
| 2K+ |
= |
2. kalenderår. Fuglen er klekt året før eller tidlegare. |
| M |
= |
Hann |
| F |
= |
Hoe |
| f |
= |
Funnen fersk, nyleg død |
| k |
= |
Drepen av katt |
| x |
= |
Funnen død |
| v |
= |
Kontrollert, dvs. ringen er avlesen og fuglen er sleppt |
| vR |
= |
Kontrollert av ringmerkar |
| w |
= |
Drepen mot vindauge |
| 1-1-14 |
= |
Fuglen er funnen 1 år, 1 månad og 14 dagar etter ringmerking |
Døme på symbolbruk: xwf : funnen død, drepen mot vindauge, fersk.
Heipiplerke Anthus pratensis
8240363 1K+ 08.10.2002 Wortel, Antwerpen, BELGIA
Bruxelles vR 11.09.2004 Fokstugu, Dovre, Oppland. 1223 km N. 1-11-14.
Blåstrupe Luscinia svecica
3E92264 M1K 05.08.2004 Fokstugu, Dovre, Oppland
vRM 29.08.2004 Lindänget, Kopparberg, SVERIGE. 305 km ESE. 0-0-24.
3E92590 M1K 09.08.2004 Fokstugu, Dovre, Oppland.
xwf 25.08.2004 Sve gard, Vågå, Oppland. 27 km SSW. 0-0-16.
5E25023 M1K 21.08.2004 Fokstugu, Dovre, Oppland.
xwf ca. 15.10.2004 Sandarne, Gävleborg, SVERIGE. 427 km E. 0-1-24.
688373J M1K 09.09.2003 Kotka, Kymi, FINLAND
Helsinki vR 10.07.2005 Fokstugu, Dovre, Oppland. 960 km WNW. 1-10-1.
Lauvsongar, Phylloscopus throchilus
3H99605 1K 26.08.2005 Nes, Bjugn, Sør-Trøndelag
vR 03.09.2005 Fokstugu, Dovre, Oppland. 185 km S. 0-0-8.
CB36349 2K+ 17.05.2005 Ottenby, Öland, SVERIGE
Stockholm vR 10.07.2005 Fokstugu, Dovre, Oppland.. 772 km NNW. 0-1-23.
Gråsisik, Carduelis flammea
4H10712 1K 10.08.2004 Fokstugu, Dovre, Oppland.
xkf ca.05.10.2004 Guldbakke, Skjåk, Oppland. 50 km WSW. 0-1-25.
Brunsisik, Carduelis cabaret
BY64064 F1K 10.09.2004 Södra Udden, Landsort, Södermanland, SVERIGE
Stockholm vRF 31.07.2005 Fokstugu, Dovre, Oppland. 602 km NW. 0-10-21
Sivsporv Emberiza schoeniclus
5E25855 F1K+ 11.09.2004 Fokstugu, Dovre, Oppland.
vR 28.10.2004 Piece au Lard, Aube, FRANKRIKE. 1557 km SSW. 0-1-17.
23 av fuglane som blei ringmerkt på Fokstugu i 2004, fordelt på åtte artar, blei kontrollert i 2005 på same stad. Dette var heipiplerke (3), blåstrupe (1), raudvengtrast (1), lauvsongar (8), kjøtmeis (1), bjørkefink (1), brunsisik (1), sivsporv (7). Påfallande her er at berre 1 blåstrupe blei kontrollert, sjølv om det er den arten som er blitt mest ringmerkt.
KOMMENTARAR TIL ARTSLISTE OG RINGMERKINGSLISTE
Som supplement til denne rapporten er brukt to av rapportane til Thor Østbye (THØ) (2003 og 2005). Der hans kommentarar er brukte, står teksta i kursiv. Våre kommentarar står i vanleg skriftform. Observatørar: KJG = Karl Johan Grimstad. TCM = Tore Chr. Michaelsen. ESO = Egil Soglo. KMS = Kjell Mork Soot. LSØ = Laurits Sønstebø.
Kortnebbgås, Anser brachyrhynchus
Blei først i 2004 registrert på Fokstumyra med 2 individ. (KMS et al 2004). Arten er nok årleg på forbitrekk over Fokstumyra, for denne populasjonen går frå Svalbard til Trøndelag, for deretter å ta kurs gjennom Gudbrandalsområdet mot overvintringsområda som ligg m.a. i Danmark. Seint på formiddagen 23.09 blei ein flokk på ca. 45 individ observert flyge lågt over markene på Fokstugu, i sterk motvind. To gongar før på dagen blei gås høyrt, også i låg høgde, men ikkje sett.
Ein kan stundom sjå gåseflokkar i synsranda. 02. oktober passerte f.eks.ein flokk på ca. 50 individ Fokstuguhøi (KJG, ESO, KMS).
Grågås, Anser anser.
Eitt individ, av den vestlege rasen anser, gjekk og beitte blant sauene 01.10.2005. Stakk av då ho tydeleg blei skræmd av ei kongeørn ut på ettermiddagen, men kom igjen seinare på kvelden. Fuglen var der til 04.oktober. (KJG, KMS, LSØ). Denne arten er tidlegare ikkje registrert på Fokstumyra.
Havørn, Haliaeetus albicilla.
Artens første og andre registrerte funn på myra ble gjort den 14.05.1989 og 22.05.1989. 1 individ sett 28.09.1995 og 1 individ observert jaktende på N. Horrtjern 15.09.2003 (THØ 2003). Eitt utfarga individ oppheldt seg i fleire timar i reservatet 21.05.2005 (KJG, KMS).
Kongeørn, Aquila chrysaetos.
Er iflg. THØ (2003) sjeldan streifgjest. 06.05.2005 blei eitt individ, sannsynlegvis ein 2K, observert ved fugletårnet. 1 individ passerte Fokstugu 01.10. 2005 (KJG,KMS).
Hønsehauk, Accipiter gentilis
Arten blei for første gong registrert i 2004 (KMS et.al 2004). Ei ung hoe blei fanga og ringmerkt 20.08.2005 (KMS). Ei ung hoe sett også 02.10 og 09.10 (KJG, ESO, KMS).
Sporvehauk, Accipiter nisus
I 2004 blei det andregongsobservasjon av den arten på Fokstumyra (KMS et al 2004). 21.08 og 27.08. 2005 blei to unge hoer fanga og ringmerkt. Arten blei sporadisk sett til midten av september (KJG, KMS).
Enkeltbekkasin, Gallinago gallinago.
Enkeltbekkasinen er den klart vanlegaste vadefuglen på Fokstumyra. Stor vårflaum midt i beste rugetida gjorde at hekkinga i år var mislukka for dei fleste para. Det var mykje mindre å sjå av enkeltbekkasin enn tidlegare år. I midten av oktober var det ein tydeleg auke av bestanden. Sannsynlegvis var det då fugl frå austlegare populasjonar som var på forbitrekk.
Makrellterne, Sterna hirundo.
To individer holdt sammen med 3 rødnebbterner ved Lesjabekk den 07.06.2005 (B.H.Larsen). Første registrerte observasjon i området. (THØ 2005).
Svartterne, Chlidonias niger.
Tre individ i S. Horrtjern 24.07-25.07.2004 (ESO, LSØ). (THØ 2005). Første registrerte observasjon i området.
Bydue, Columba livia var. domestica.
Eitt individ (mørk fase) sett på Fokstugu gard 10.08.2005 (KMS). Dette er første registrering av denne arten på Fokstumyra , men skal tidlegare år enkelte gongar vere observert på markene på Fokstugu (LSØ).
Ringdue, Columba palumbus.
Var eit relativt vanleg syn i juli, der den nysådde åkeren til LSØ, med havre, tydelegvis verka tiltrekkande. Største flokkane var på 15 individ (09.07) og 17 individ (05.08). Talet minka etter kvart, og dei siste fuglane for sommaren var 2 individ 20.08.
To flokkar blei sett på hausttrekk der dei kjempa seg fram i sterk motvind (sørleg kuling): 11.10.2005 ca. 15 individ og 13.10 sju individ. (KJG,TCM, KMS).
Vendehals, Jynx torquilla.
Arten er sett en gang ved Lesjabekk 07.06.1986 (THØ 2003). Ett individ hørt like nord for verneområdet ved Lesjabekk 10.06.2005 (THØ 2005). Ei tredje registrering av denne raudlista arten blei gjort då eit individ blei fanga og ringmerkt på Fokstugu 04.09.2005 (KMS, LSØ).
Vendehals, Fokstugu 04. september 2005.
Flaggspett, Dendrocopos major.
Eitt individ observert tidleg om morgonen 10.09.2005 . Pga mykje rim såg ho netta i siste augneblink, og bråsnudde. Seinare på dag såg vi ei flaggspett som letta frå fangstområdet og i stor høgde flaug sørover i retning Dombås. Dette var sannsynlegvis same fuglen. Eitt individ blei fanga og ringmerkt 02.10.2005 (KJG, ESO, KMS). Dette er første registreringane for Fokstumyra.
Dvergspett, Dendrocopos minor.
Arten er ikke rapportert hekkende siden 1 par hekket ved Vettjern på Langmyre i 1971. Den ble sett flere plasser i Fokstuguområdet i 1847-1865, og observert flere ganger mellom Fokstugu og Vålåsjøen i perioden 1933-1951. I 1986 ble 1 individ sett vest i området (THØ 2003). 1 ungfugl av denne raudlista arten blei fanga og ringmerkt på Fokstugu 15.10.2005 (KMS, LSØ).
Dvergspett, Fokstugu 15.10.2005.
Sandsvale, Riparia riparia.
Meget sjelden på trekk. I 1964 ble 1 individ sett ved Fokstugu stasjon. Arten ble også observert i 1970, 1971 og 1987 (THØ 2003). 29.05.2004 ca. 10 individ ved Lesjabekk/Vålåsjøen (KMS et al 2004). To mindre flokkar på 5-6 individ blei observert på direkte sørtrekk 31.07 og 01.08.2005 (KJG, KMS).
Låvesvale, Hirundo rustica.
Berre ein observasjon i 2005. Ein ungfugl observert på insektjakt rundt Fokstugu gard 13.08.2005 (KJG,KMS).
Svartraudstjert, Phoenicurus ochruros.
Ein ungfugl blei fanga og ringmerkt 31.07.2005. Dette er første registrering for Fokstumyra (KJG, KMS, LSØ). Arten er berre konstantert hekkande i byområde i Noreg, men ein skal merke seg at arten hekkar i blokksteinmark / steinurder i høgfjellet i det sørlege Europa. Ein tanke som har slått oss, er om arten kan gjere det same i Noreg. Der burde vere eigna lokalitetar nokre få kilometer frå Fokstumyra. Ein nærmare kommentar til dette vil kome i ”Hujon”.
Svartraudstjert, Fokstugu 31. juli 2005.
Raudstrupe, Erithacus rebucula
I 2004 blei det påvist at store mengder raudstrupe trekte gjennom Fokstumyra, spesielt i førstninga av oktober (KMS et al 2004). I 2005 vart mykje av fangsten i oktober øydelagd
pga. den sterke sørlege kulingen, men biletet vi danna oss, var at trekket begynte for fullt rundt 10.september, og heldt fram til førstninga av oktober.
Svarttrast, Turdus merula.
Denne arten blei for første gong registrert for Fokstumyra i 2004 (KMS et al 2004). I perioden 27.07 til 04.08.2005 blei 6 ungfuglar fanga og ringmerkte. Sannsynlegvis var desse klekte i nærleiken. Ein del av desse hadde bevisleg tilhald i vierkrattet ved Fokstugu stasjon heile august medan dei skifta om til haustdrakt. 21.08 og 28.08 blei to nye individ fanga. I førstninga av september forsvann alle saman. Neste observasjon var ikkje før 13.10., då ein hann blei observert ved Fokstugu gard.. Hausttrekket starta tydelegvis minst ei veke seinare i 2005 enn året før (KJG, TCM, KMS).
Nattergal, Luscinia luscinia
Ett individ øst før Ellanholet den 23.05.2004 (Martin Gundersen). (THØ 2005). Dette er første registrering for Fokstumyra.
Sivsongar, Acrocephalus scoenobaenus.
THØ(2003) nemner to observasjonar av ein syngande hann, 23.06.1950 og 12.06.2002. Dei tre åra vi har fanga ved Fokstumyra, er ein ungfugl fanga kvart år: 24.08.2003, 09.08.2004 og 10.08.2005 (KJG,KMS). Tidspunkta for fangsten gir ingen indikasjon for hekking.
Hagesongar, Sylvia borin.
THØ(2003) nemner at berre to observasjonar , begge av syngande hannar, er gjorde i juni 1942 og juni 1986. I 2004 blei fem individ fanga og ringmerkte i perioden 11.08 til 05.09.2004 (KMS et al 2004). I 2005 blei ein syngande hann høyrd 16.07 og 17.07 (KJG, KMS,THØ). 12 individ blei fanga og ringmerkt i perioden 01.08 til 11.09, ti av desse i tidsromet 20.08 til 03.09. Toppdagen var 28.08. med fem fuglar (KJG,KMS).
Munk, Sylvia atricapilla.
THØ(2003) nemner 2 syngande hannar i juni 1988. Dessutan eit hekkefunn ved Fokstugu i 1873. I 2004 blei 8 individ fanga og ringmerkt 04.08 til 18.09, halvparten i månadsskiftet august-september (KMS et al 2004). I 2005 blei totalt 16 individ ringmerkt. 31.07 blei ein adult hann under myting fanga, og ein ungfugl gjekk i netta 03.08. Så var det eit opphald til 27.august, då 13 individ blei fanga fram til 03.september. Siste munken fekk vi 11.09 (KJG,KMS).
Hauksongar, Sylvia nisoria.
Ein ungfugl fanga og ringmerkt 03.09.2005 (KMS). Dette er første registrering for Fokstumyra, og første funn i Oppland.
Hauksongar, Fokstugu 03.september 2005.
Gulsongar, Hippolais icterina.
Arten registrert en gang, i juni 1 942. (THØ 2003). Eitt adult individ, sannsynlegvis ein hann, blei fanga og ringmerkt 16.07.2005. Ein vaksen fugl var i fangstområdet dagen etter (same individ?). I perioden 02.08-14.08 blei ytterlegare 5 fuglar fanga, alle ungfuglar.
Gulbrynsongar, Phylloscopus inornatus.
Eitt individ fanga og ringmerkt 02.10.2005 (KJG, KMS, LSØ). Dette er første registrering for Fokstumyra, og første sikre funn i Oppland.
Gulbrynsongar, Fokstugu 02. oktober 2005.
Gransongar, Phylloscopus collybita.
Som i 2004 begynte forbitrekket første dagane i september. Siste fugl blei fanga 13.10. Dette gir same resultat som i fjor med tanke på tidspunkt. Kulingen øydela mykje av fangsten i oktober, men 15 individ blei fanga i løpet av sesongen.(KJG, TCM, KMS).
Fuglekonge, Regulus regulus.
LSØ såg første individet i slutten av september 1996, men dette blei ikkje registrert før i 2004 i samband med at vi fanga og ringmerkte fem fuglar (KMS et al 2004).
Første fuglen i 2005 hang i nettet 09.08. Dei neste kom ikkje før første dagane i september. Nokre få fuglar til hamna i netta i den månaden. I haustferien derimot (08.10 - 15.10), sjølv om det i største delen av perioden var sørleg kuling, fanga vi over 100 individ. For mange artar såg det ut til at trekket var labert pga den sterke vinden, men desse små knøtta såg ikkje ut til å ville la seg stanse. Ein av dei få morgenane det var vindstilt nokre timar (13.10) blei 42 fuglekongar ringmerkte. Dette må sjåast i samband med ein kraftig invasjon frå aust av denne arten til det fuglekongefattige Vestlandet Berre på Sunnmøre blei det i løpet av to-tre veker fanga rundt 4500 fuglekongar. To av desse hadde ring , som knapt to veker tidlegare var ringmerkt henholdsvis i Finland og i Estland. På Karmøy, Rogaland blei ein russiskmerkt fuglekonge kontrollert. Etter alt å døme kom dermed mange av fuglekongane som passerte Fokstumyra hausten 2005 langt austanfrå. Sannsynlegvis var desse fuglane på veg over fjellet mot kysten . Om det var den sørlege kulingen som feia dei over i retning Trøndelag, er ikkje godt å vite.
Blåmeis, Parus caeruleus
Denne arten blei først registrert på Fokstumyra i 2004 , då 7 individ blei ringmerkte (KMS et al 2004).
I 2005 blei 11 individ blei fanga i perioden 24.09 – 14.10. Dette kan tyde på årleg flytning over Fokstumyra .
Kjøtmeis, Parus major
For tredje året på rad er kjøtmeisa registrert. I 2005 blei første fuglen, ein ungfugl, fanga 30.07. Dei andre fuglane , til saman 18, blei fanga i perioden 24.09- 15.10.
Spettmeis, Sitta europea
Eitt individ fanga og ringmerkt 03.09.2005 (KMS). Dette er første registrering for Fokstumyra.
Varslar, Lanius excubitor.
I perioden 27.08-02.09, hadde sannsynlegvis same individ tilhald rundt Fokstugu stasjon. 07.oktober blei eit individ fanga i netta og ringmerkt. (KJG, KMS, LSØ). Dette var nøyaktig på årsdagen for den einaste observasjonen gjort i 2004.
Kråke, Corvus cornix.
Det var mindre med raudrev ved jernbanelinja på Fokstugu stasjon i sommar, men påfallande meir kråke enn i 2004. Ein grunn til det kan vere at sidan der ikkje var rev til å plukke opp fuglar som blei påkøyrde av toget, gjorde kråka det i staden.
14.10.2005 passerte ein flokk kråker på ca. 10 individ i sørleg retning, heilt klart på trekk.
Grankorsnebb, Loxia curvirostra.
I førstninga av august passerte enkelte flokkar av korsnebb Fokstugu (største flokk på 19 individ), i sørleg retning.Den 12.08.2005 blei ein ung hann av grankorsnebb fanga i nett og ringmerkt (KJG, KMS).
Grønfink, Carduelis chloris.
Denne arten blei registrert for første gong i 2004, då eitt individ blei fanga og ringmerkt (KMS et.al 2004). I 2005 blei første hekkefunn registrert 17.07., då eit par med nyleg utflogne ungar blei sett aust for Fokstugu gard (THØ 2005). Totalt blei tre individ fanga i nettområdet i perioden 08.10-15.10. I same tidsromet blei fleire grønfink observert i eineforekomstane vest for Fokstugu gard (TCM,KMS).
Grønsisik, Carduelis spinus.
Denne arten var i området i mindre tal frå midten av juli og ut i oktober. Til saman 8 individ blei fanga (KJG, TCM,KMS).
Dompap, Pyrrhula pyrrhula.
Berre ein observasjon blei gjort i 2005. Ein hann og ei hoe blei fanga i lag 08.10. (KMS). I 2004 blei første registrering nokon sinne gjort på Fokstumyra 07.10.(KMS et al 2004).
Lappsporv, Calcarius lapponicus.
Denne arten er forsvunnen som hekkefugl frå Fokstumyra mellom 1990 og 2002 (THØ 2005). 1 ungfugl blei fanga i nett og ringmerkt 12.08.2005 (KMS).
Gulsporv, Emberiza citrinella.
Schaanning nevner i 1918 at arten sees enkeltvis med års mellomrom på Fokstugu. Senere er arten ikke nevnt for området (THØ 2003). På den nysådde enga på Fokstugu, der det m.a. var sådd havre, blei to gulsporvar observert 16.07.2005 (1 adult hoe og 1 ungfugl). 02.08.2005 blei ei ung hoe fanga i nett og ringmerkt (KJG, KMS).
Dvergsporv, Emberiza pusilla.
Den 10.06.1985 ble en syngende hann observert mellom Horrtjern og Ellanholet. Dette var første funnet av arten i Oppland (THØ 2003).
25.09.2005 blei 1 individ fanga i nett og ringmerkt på Fokstugu (KMS). Dette er tredje funn av dvergsporv i Oppland, og den andre for Fokstumyra.. (Andre funn av dvergsporv blei gjort på Ringebu 22.09.2001 (Jon Opheim pers. medd.)).
Dvergsporv, Fokstugu 25.september 2005.
Fokstumyra. Artsliste for fugl pr. 2005.
(Samanlikna med lista for 2004, er 10 nye artar komne til. Artar som tidlegare ikkje er registrerte for Fokstumyra, er understreka.)
| 1 |
Smålom, Gavia stellata |
48 |
Tjeld, Haematopus ostralegus |
|
| 2 |
Storlom, Gavia arctica |
49 |
Sandlo, Charadrius hiaticula |
|
| 3 |
Horndukkar, Podiceps auritus |
50 |
Boltit, Charadrius morinellus |
|
| 4 |
Gråhegre, Ardea cinerea |
51 |
Heilo, Pluvialis apricaria |
|
| 5 |
Knoppsvane, Cygnus olor |
52 |
Vipe, Vanellus vanellus |
|
| 6 |
Songsvane, Cygnus cygnus |
53 |
Temmincksnipe, Calidris temminckii |
|
| 7 |
Sædgås, Anser fabalis |
54 |
Myrsnipe, Calidris alpina |
|
| 8 |
Kortnebbgås, Anser brachyrhynchus |
55 |
Fjellmyrløpar, Limicola falcinellus |
|
| 9 |
Dverggås, Anser erythropus |
56 |
Brushane, Philomachus pugnax |
|
| 10 |
Grågås, Anser anser |
57 |
Kvartbekkasin, Lymnocryptes minimus |
|
| 11 |
Brunnakke, Anas penelope |
58 |
Enkeltbekkasin, Gallinago gallinago |
|
| 12 |
Krikkand, Anas crecca |
59 |
Dobbeltbekkasin, Gallinago media |
|
| 13 |
Stokkand, Anas platyrhynchos |
60 |
Rugde, Scolopax rusticola |
|
| 14 |
Stjertand, Anas acuta |
61 |
Småspove, Numenius phaeopus |
|
| 15 |
Knekkand, Anas querquedula |
62 |
Storspove, Numenius arquata |
|
| 16 |
Skjeand, Anas clypeata |
63 |
Sotsnipe, Tringa erythropus |
|
| 17 |
Taffeland, Aythya ferina |
64 |
Raudstilk, Tringa totanus |
|
| 18 |
Ringand, Aythya collaris |
65 |
Gluttsnipe, Tringa nebularia |
|
| 19 |
Toppand, Aythya fuligula |
66 |
Skogsnipe, Tringa ochropus |
|
| 20 |
Bergand, Aythya marila |
67 |
Grønstilk, Tringa glareola |
|
| 21 |
Havelle, Clangula hyemalis |
68 |
Strandsnipe, Actitis hypoleucos |
|
| 22 |
Svartand, Melanitta nigra |
69 |
Svømmesnipe, Phalaropus lobatus |
|
| 23 |
Sjøorre, Melanitta fusca |
70 |
Fjelljo, Stercorarius longicaudus |
|
| 24 |
Kvinand, Bucephala clangula |
71 |
Hettemåse, Larus ridibundus |
|
| 25 |
Lappfiskand, Mergus albellus |
72 |
Fiskemåse, Larus canus |
|
| 26 |
Siland, Mergus serrator |
73 |
Sildemåse, Larus fuscus |
|
| 27 |
Laksand, Mergus merganser |
74 |
Gråmåse, Larus argentatus |
|
| 28 |
Havørn, Haliaeetus albicilla |
75 |
Makrellterne, Sterna hirundo |
|
| 29 |
Sivhauk, Circus aeruginosus |
76 |
Raudnebbterne, Sterna paradisaea |
|
| 30 |
Myrhauk, Circus cyaneus |
77 |
Svartterne, Chlidonias niger |
|
| 31 |
Enghauk, Circus pygargus |
78 |
Bydue, Columba livia var.domesticus |
|
| 32 |
Hønsehauk, Accipiter gentilis |
79 |
Ringdue, Columba palumbus |
|
| 33 |
Sporvehauk, Accipiter nisus |
80 |
Tyrkerdue, Streptopelia decaocto |
|
| 34 |
Musvåk, Buteo buteo |
81 |
Turteldue, Streptopelia turtur |
|
| 35 |
Fjellvåk, Buteo lagopus |
82 |
Gauk, Cuculus canorus |
|
| 36 |
Kongeørn, Aquila chrysaetos |
83 |
Snøugle, Nyctea scandiaca |
|
| 37 |
Fiskeørn, Pandion haliaetus |
84 |
Haukugle, Surnia ulula |
|
| 38 |
Tårnfalk, Falco tinnunculus |
85 |
Hornugle, Asio otus |
|
| 39 |
Dvergfalk, Falco columbarius |
86 |
Jordugle, Asio flammeus |
|
| 40 |
Jaktfalk, Falco rusticolus |
87 |
Perleugle, Aegolius funereus |
|
| 41 |
Vandrefalk, Falco peregrinus |
88 |
Nattravn, Caprimulgus europaeus |
|
| 42 |
Lirype, Lagopus lagopus |
89 |
Tårnseglar, Apus apus |
|
| 43 |
Orrfugl, Tetrao tetrix |
90 |
Hærfugl, Upupa epops |
|
| 44 |
Storfugl, Tetrao urogallus |
91 |
Vendehals, Jynx torquilla |
|
| 45 |
Vaktel, Coturnix coturnix |
92 |
Flaggspett, Dendrocopos major |
|
| 46 |
Myrrikse, Porzana porzana |
93 |
Dvergspett, Dendrocopos minor |
|
| 47 |
Trane, Grus grus |
94 |
Songlerke, Alauda arvensis |
| 95 |
Fjellerke, Eremophila alpestris |
129 |
Gransongar, Phylloscopus collybita |
|
| 96 |
Sandsvale, Riparia riparia |
130 |
Lauvsongar, Phylloscopus trochilus |
|
| 97 |
Låvesvale, Hirundo rustica |
131 |
Fuglekonge, Regulus regulus |
|
| 98 |
Taksvale, Delichon urbica |
132 |
Gråflugesnappar, Muscicapa striata |
|
| 99 |
Trepiplerke, Anthus trivialis |
133 |
Svartkvit flugesnappar, Ficedula hypoleuca |
|
| 100 |
Heipiplerke, Anthus pratensis |
134 |
Lauvmeis, Parus palustris |
|
| 101 |
Lappiplerke, Anthus cervinus |
135 |
Granmeis, Parus montanus |
|
| 102 |
Gulerle, Motacilla flava. |
136 |
Blåmeis, Parus caeruleus |
|
| - Sørleg gulerle, M.f. flava |
137 |
Kjøtmeis, Parus major |
||
| - Såerle, M.f. thunbergi |
138 |
Spettmeis, Sitta europea |
||
| 103 |
Linerle, Motacilla alba |
139 |
Varslar, Lanius excubitor |
|
| 104 |
Fossekall, Cinclus cinclus |
140 |
Skjor, Pica pica |
|
| 105 |
Gjerdesmett, Troglodytes troglodytes |
141 |
Kaie, Corvus monedula |
|
| 106 |
Jernsporv, Prunella modularis |
142 |
Kornkråke, Corvus frugilegus |
|
| 107 |
Raudstrupe, Erithacus rubecula |
143 |
Kråke, Corvus corone cornix |
|
| 108 |
Nattergal, Luscinia luscinia |
144 |
Ramn, Corvus corax |
|
| 109 |
Blåstrupe, Luscinia svecica |
145 |
Stare, Sturnus vulgaris |
|
| 110 |
Svartraudstjert, Phoenicurus ochruros |
146 |
Gråsporv, Passer domesticus |
|
| 111 |
Raudstjert, Phoenicurus phoenicurus |
147 |
Pilfink, Passer montanus |
|
| 112 |
Buskskvett, Saxicola rubetra |
148 |
Bokfink, Fringilla coelebs |
|
| 113 |
Steinskvett, Oenanthe oenanthe |
149 |
Bjørkefink, Fringilla montifringilla |
|
| 114 |
Ringtrost, Turdus torquatus |
150 |
Grønfink, Carduelis chloris |
|
| 115 |
Svarttrost, Turdus merula |
151 |
Grønsisik, Carduelis spinus |
|
| 116 |
Gråtrost, Turdus pilaris |
152 |
Bergirisk, Carduelis flavirostris |
|
| 117 |
Måltrost, Turdus philomelos |
153 |
Gråsisik, Carduelis flammea |
|
| 118 |
Raudvengtrost, Turdus iliacus |
154 |
Brunsisik, Carduelis cabaret |
|
| 119 |
Grashoppesongar, Locustella naevia |
155 |
Polarsisik, Carduelis hornemanni |
|
| 120 |
Sivsongar, Acrocephalus schoenobaenus |
156 |
Grankorsnebb, Loxia curvirostra |
|
| 121 |
Myrsongar, Acrocephalus palustris |
157 |
Rosenfink, Carpodacus erythrinus |
|
| 122 |
Gulsongar, Hippolais icterina |
158 |
Dompap, Pyrrhula pyrrhula |
|
| 123 |
Hauksongar, Sylvia nisoria |
159 |
Lappsporv, Calcarius lapponicus |
|
| 124 |
Møller, Sylvia curruca |
160 |
Snøsporv, Plectrophenax nivalis |
|
| 125 |
Tornsongar, Sylvia communis |
161 |
Gulsporv, Emberiza citrinella |
|
| 126 |
Hagesongar, Sylvia borin |
162 |
Dvergsporv, Emberiza pusilla |
|
| 127 |
Munk, Sylvia atricapilla |
163 |
Sivsporv, Emberiza schoeniclus |
|
| 128 |
Gulbrynsongar, Phylloscopus inornatus |
Andre artar
Nordflaggermus, Fokstugu 20 august 2005.
Flaggermus:
Til vår forundring fekk vi tre nordflaggermus Eptesicus nilssonii i det største heisenettet. Fangstdatoar var 27.07, 08.08 og 20.08.. LSØ fortel at han for ein del år sidan såg ei flaggermus under reparasjon av eitt av husa på Fokstugu gard.
Bever:
Eitt individ blei observert frå turstien i skyminga 20.05.2005, i ei utviding av elva ved utløpet av Søndre Horrtjern.
Augestikkarar:
Ved Lesjabekk / Vålåsjøen blei eitt eksemplar av vanleg augestikkar sett 16.07.2005. Dette er første funn av den arten. Registrerte artar hittil:
- Fjellmetallaugestikkar Somatochlora alpestris
- Fjellaugestikkar Aeshna caerulea
- Vanleg augestikkar Aeshna juncea
Revidert liste over sommarfuglar på Fokstumyra.
| Art | Vanleg namn | Kommentar |
| Albulina optilete | Myrblåvenge | |
| Boloria euphrosyne | Raudflekka perlemorvenge | |
| Boloria napaea | Fjellperlemorvenge | |
| Cerapteryrux graminis | - | |
| Chloroclysta infuscata | - | |
| Colias palaeno | Myrgulvenge | |
| Erebia pandrose | Fjellringvenge | |
| Eulithis prunata | - | |
| Eurrhypis phrygialis | - | Raudlista. Registrert 1 gong tidlegare på Fokstugu(1976) |
| Nymphalis urticae | Neslesommarfugl | |
| Eurrhypis schrankiana | - | |
| Parasemia plantaginis (f.hospita) | Piggsvinspinnar | Hann, kvit fjellform |
| Plebeius idas | Idasblåvenge | |
Insektfangst:
Vi sette opp eit malaisetelt og fanga insekt frå 05. august. Dessverre bles det ned i slutten av månaden medan vi var vekke. Det var så øydelagt at vi sette det ikkje opp igjen. Materialet er enno ikkje gått gjennom skikkeleg av det som blei samla inn i den perioden. I åra framover vil vi arbeide meir med insekt for å få ei oversikt.
Frøplanter:
Godt kartleggingsarbeid av frøplantene tidlegare, gjer at vi kan føye til få artar:
Handmarinøkkel Botrychium lanceolatum. Ved Fokstugu stasjon. Ny art for Fokstumyra.
Raudlista.
Korallrot Corollorhiza trifida. Denne blei funnen like utanfor reservatet, ovanfor riksvegen på Fokstugu, ved Foksåa.
Mosar:
Registreringar av mosar er utført av Johannes Lid (1950), Asbjørn og Berit Moen (1969) og Thor Østbye (1986). Totalt er 60 bladmosar og 7 levermosar registrerte.
Vi kan føye til to nye artar av levermosar:
- Gåsefotskjeggmose Barbilophozia lycopodioides
- Skogflik Lophozia silvicola
Soppar:
Soppane er denne gongen ordna alfabetisk etter norske namn. Vi reknar med ein betydeleg auke av artar når høvet byr seg til betre studie av denne gruppa:
- Beiteraudskivesopp Entoloma sericeum - Kjeglevokssopp Hygrocybe conica
- Brunskrubb Leccinum scabrum - Kritvokssopp Hygrocybe virginea
- Fjellkremle Russula nana - Mønjevokssopp Hygrocybe miniata
- Fjellskrubb Leccinum rotundifoliae - Sjampinjong sp. --
- Gulvokssopp Hygrocybe chloropbana - Honningvokssopp Hygrocybe reidii
- Stor eggrøyksopp Bovista nigrescens
Etterord:
Sjølv om innsatsen var større i 2005 enn året før, blei det totalt fanga og ringmerkt færre fugl enn året før (2963 mot 3094). Vi vil likevel seie oss fornøgde med resultatet. Fleire artar blei ringmerkt enn året før (54 mot 39). Dessutan blei to nye artar for Oppland registrerte (hauksongar og gulbrynsongar), og dvergsporv var den tredje for fylket. I tillegg blei to raudlisteartar fanga inn (vendehals og dvergspett). Svartraudstjerten bør også nemnast . I løpet av desse to åra, har vi registrert 17 nye fugleartar for Fokstumyra. Vi satsar i åra framover på å halde fram med registreringane av fugl , pattedyr, insekt, frø- og sporeplanter på Fokstugu og rundtliggande område av Fokstumyra.
Vi synest at det er litt merkeleg at eit svært interessant område ikkje er kome inn under reservatet. Vi siktar til det området som ligg mellom vegen som går over til Lesjabekk,og Vålåsjøen. Området har brukbart fugleliv, mange interessanne planter, og eit rikt insektliv, m.a. mange sommarfuglartar, der enkelte artar er svært talrike. Dette området har betydeleg større biologisk mangfald enn mange område innanfor reservatgrensene.
Og NSB sluttar ikkje å forbause oss. Vi skreiv i førre skriv (KMS et al 2004) om den store farten toga har gjennom viktige fugleområde, med medfølgande skader på fugle- og dyrelivet. I år hadde det ”miljøvenlege” NSB prestert å sprøyte vegetasjonen rundt Fokstugu stasjon . Rundt sjølve stasjonsbygningane var graset/blomstane sprøytt. Vidare hadde vierkrattet fått same behandlinga langs skinnegangen. Elles ligg mengder jernskrap ”fråsegslengt” langs jernbanelinja. Har ikkje NSB høyrt om resirkulering? Ligg der like mykje jernskrap gjennom heile reservatet som det ligg ved stasjonen, må det vere snakk om fleire tonn berre der. Er det berre for NSB å gi blaffen i vernereglane for Fokstumyra?
Dette skrivet vil bli lagt ut på heimesida til Sunnmøre Ringmerkingsgruppe, www.fugler.com/srg . Det blir elles publisert i ”Hujon”, tidsskriftet til NOF Oppland.
Takk
Vi har motteke økonomisk støtte frå Fylkesmannen i Oppland og Holger Holgersens Legat ved Stavanger Museum. Hadde vi måtta ha kosta alt sjølve, hadde det vore vanskelegare å drive såpass kontinuerlege undersøkingar. Vi er skuldige desse som har støtta oss ei stor takk.
Elles skal ikkje dei tre oppsynsmennene i SNO gløymast: Egil Soglo, Laurits Sønstebø og Thor Østbye. Dei har vore til god hjelp i mange tilfelle, både praktisk og med verdifulle opplysningar. Og til slutt, takk til Dovre Fjellstyre og Joramo Bygdealmenning for løyve til å drive med undersøkingar på deira grunn.
Litteratur:
Soot, Kjell Mork, Grimstad, Karl Johan, Michaelsen, Tore Chr.: Feltarbeid ved Fokstumyra 2004. (Med hovudvekt på ornitologi og ringmerking. Men også litt om augestikkarar, sommarfuglar, lav, sopp m.m.). Sunnmøre Ringmerkingsgruppe 11s & Hujon 1-2005.
Østbye, Thor 2003 : Fokstumyra . Vedlegg 7. Artskommentarer for fugl. Fylkesmannen i Oppland. Miljøvernavd. Notat, 14 s.
Østbye, Thor 2005: Fokstumyra naturreservat. Fugleregistreringer 2005. Resultater fra feltarbeidet sommeren 2005. Statens Naturoppsyn . Rapport.
Adresser:
| Kjell Mork Soot |
Karl Johan Grimstad |
Tore Chr. Michaelsen |
| Geilane 6060 Hareid Tlf (privat): 70092443 Mobil: 91308487 |
6062 Brandal Tlf.: 70093321 Mobil: 99233535 |
Nedre Hoffland 13 6057 Ellingsøy Tlf: 70128434 Mobil: 47258852 |
